طريقة تحضير تورتة الآيس كريم


مفيش أجمل من الآيس كريم.. فى حد ممكن يختلف على كده؟!! الآيس كريم بيدخل فى وصفات كتيرة جدا فى أصناف الحلويات الشرقية والغربية، ومن بينها وصفتنا النهاردة، تورتة الآيس كريم، فكرة لذيذة ومش بتاخد وقت والأهم إنها أول ما بتتقدم للأكل بتخلص فورا فى ساعتها.. الآيس كريم مينفعش يستنى حد يا جماعة.. تعالوا نعرف طريقة تحضير تورتة الآيس كريم ونستمتع بإننا ننفذها فى البيت بنفسنا.

 

طريقة تحضير تورتة الآيس كريم:

المكونات:

بودرة الآيس كريم الجاهزة (مانجو، فراولة، فانيلا)

للكيكة:

3 كوب دقيق

كوب ونصف سكر

6 بيضات

كوب إلا ربع زيت ذرة

كوب ونصف قشدة

معلقة طعام بيكينج بودر

ملعقة شاى فانيليا سائلة

رشة ملح

 

طريقة التحضير.

نخلط المواد الجافة مع بعضها البعض.

ونخلط المواد السائلة فى الخلاط ننزل بيها على الدقيق نقلب بالراحة، نضيف الزيت والقشدة فى النهاية ونمزج جيدا ثم نسكب الخليط فى صينية كبيرة وندخله الفرن على درجة حرارة 180°م.

نسبها ليلة نكون ليلتها عاملين الأيس كريم زى ما مكتوب فى العلبة ونحطها فى الفريزر تجمد تانى يوم نقطع الكيكة بتاعتنا 3 طبقات نرص طبقة على صينية التقديم وبعدين تفرد عليها الأيس كريم مانجو وبعدين تضع الطبقة الثانية من الكيك وبعدين ايس كريم الفانيلا وبعدين الطبقة الثالثة من الكيك وبعدين ايس كريم فراولة دخليها الفريزر تمسك نفسها شوية حوالى ربع ساعة كدا تتطلع تتقدم على طول. وبالهنا.