طريقة تحضير سلطة بطاطس بالمايونيز


أنا من الناس اللى بتعتبر إن السلطة مش رفاهية على سفرة الأكل، بعتبرها أساس السفرة بتتشكل عليه وبتحلو فى وجوده، وفى أحيان تانية كتير، بشوف إن طبق السلطة وجبة متكاملة، مش محتاجة لحاجة تانية جنبها، خصوصا فى الحر الشديد أو فى حالات الرجيم والتخسيس.. ولما نتكلم عن أطباق السلطة نكتشف إنها عالم كبيرة لوحده، مهما اتعلمت منه تلاقى إن لسه فى وصفات كتير معرفتهاش ومجربتهاش.. السلطة عالم من الواقع الجميل، عايز تلاقى خضار تلاقى، عايز فواكه تلاقى، السلطة زى ما تطلب معاك هتلاقى.

فى موسم عيد الأضحى فيه سلطات بتظهر وتخطف الجو من غيرها من أطباق السلطة، وخصوصا لما يكون عندنا حفلة شواء.. اللحوم المشوية سواء كندوز أو ضانى أو بقرى، بتعشق جنبها طبق سلطة الزبادى، والطحينة والبطاطس بالمايونيز... وهى وصفتنا النهاردة اللى بنرشحها لكل متابعى #جوا_الحلة خصوصا فى موسم اللحمة والشوى، موسم العيد الكبير. وعشان نستفيد أكتر من الوصفة لازم نعرف فوايد البطاطس الصحية.. بينا على الفوايد.

 

أولاً: فوائد البطاطس.

تساعد في الحد من الروماتيزم فالبطاطس مصدر كبير للكالسيوم والمغنسيوم. سهلة الهضم وخفيفة على المعدة لاحتوائها على العناصر الغذائية مثل فيتامين سي، وفيتامين ب، والبوتاسيوم، لذلك فهي مفيدة للأشخاص المصابين بالالتهاب و تقرحات الفم. البطاطس من الأشياء المفيدة جدا للبشرة، فهي تعمل على تفتيح الجلد وإزالة البقع الداكنة، وذلك لوجود فيتامين ب، وفيتامين سي، والبوتاسيوم والماغنسيوم، والفوسفور، والزنك وكثير من العناصر المفيدة للبشرة، يمكن للأشخاص الراغبين في زياده وزنهم، استخدام فوائد البطاطس حيث ان استخدامها بكثره في وجباتهم الغذائية يعود بنتائج جيدة، لأنها غنيه بالكربوهيدرات. يقي من أمراض القلب (كالأزمات القلبية)، وأمراض الضغط العالي، ويفضل استخدامها مسلوقة لأنها تمتص للسموم من الجسم، كما أنها من المواد المهدئة للأعصاب. هنتعرف دلوقتى على مكونات وطريقة عمل سلطة البطاطس بالمايونيز.

 

المكونات:

 

2 حبة بطاطس متوسطة الحجم

 

2 ملعقة طعام مايونيز

 

1 ملعقة طعام مستردة

 

1/4 كوب لبن رائب

 

شبت طازج مُقطع

 

ملعقة شاى ملح

 

1/4 ملعقة شاى فلفل أسود مطحون

 

طريقة التحضير.

 

نقوم بغسل حبات البطاطس غسلا جيدا للتخلص من كافة الاتساخات، ثم نقوم بتقطيعها على شكل مكعبات متوسطة الحجم.

فى وعاء عميق وعلى نار متوسطة، نضع كمية مناسبة من الماء ونضع على الماء الملح والفلفل الأسود، ثم نضع حبات البطاطس المُقطعة على شكل مُكعبات، فى وعاء الماء، ونتركها على النار المتوسطة حتى تصل لدرجة الغليان، ثم نقوم بتهدئة النار إلى درجة حرارة منخفضة، وذلك لمدة 10 دقائق، حتى تصل مكعبات البطاطس إلى التسوية المطلوبة.

نقوم بتصفية البطاطس من الماء الساخن، ثم نقوم بتبريدها بماء الصنبور، وبعد أن تبرد تماما، نقوم بتقشير القشرة الخارجية لها.

فى طبق عميق، نبدأ بتحضير الصوص الخاص بالسلطة، وذلك بإضافة المايونيز والمستردة واللبن الرائب مع بعضهم البعض، وبواسطة ملعقة نقوم بخلط المكونات جميعا حتى تمتزج تماما ويُصبح القوام متماسك.

نقوم بإضافة البطاطس إلى الطبق المحتوى على الصوص، ونُقلب حبات البطاطس جيدا مع الصوص حتى تمتزج كافة حبات البطاطس بالصوص.

بعد ذلك، نُضيف الشبت الطازج، الذى تم تقطيعه إلى أجزاء صغيرة، إلى الطبق ونقوم بتقليب المكونات مرة أخرى مع بعضها.

نقوم بتغطية الطبق بورق السوليفان الشفاف، ويُفضل أن نتركه فى الثلاجة (البراد) لمدة 12 ساعة حتى تكتسب البطاطس الطعم المطلوب مع الصوص. تُقدم سلطة البطاطس مع المايونيز، بجانب اللحوم المشوية بكافة أنواعها.

احنا حكينا لكم عن طريقة عمل سلطة البطاطس بالمايونيز، ومنتظرين نشوف مهارتكم انتم فى تنفيذها، يا ريت تشاركونا بالتعليقات والصور، وبالهنا والشفا على الجميع.