من فترة كدة افتكست عجينة فطاير ممكن نسميها بوريك 

عملت بيها غدا فطاير باللحمة المفرومة و فطاير بالسبانخ 
و كانت ماشاء الله لذيذة قوى و هشة يالا نتعلم سوا طريقة تحضير البوريك

شاهد أيضا: طريقة تحضير اللحم المفروم فى هذا الموضوع

من هنــــــــا

طريقة تحضير البوريك:

المكونات:

كوب دقيق

1/3 كوب لبن رايب

بيضة 

معلقة صغيرة ملح

2 معلقة صغيرة سكر

معلقة خميرة فورية متوسطة (معلقة كبيرة ممسوحة)

معلقة صغيرة باكينج بودر (ممكن الاستغناء عنه).

معلقة كبيرة قوى زبدة

ماء دافىء للعجن على حسب الحاجة

بيضة لدهن الوجه على حسب الرغبة

للحشوة والتزيين:

سبانخ

لحمة مفرومة

طريقة التحضير.

نخلط كل المكونات الجافة ببعضها .. الدقيق والسكر والملح والبودر والخميرة و نقلبهم كويس.

نضيف الزبدة اللى بدرجة حرارة الغرفة ونقلبها فى الدقيق ثم نضرب البيضة 
ونضيفها ونقلب بمعلقة ثم نضيف اللبن الرايب وطبعا يكون بدرجة حرارة الغرفة، ونقلب ونشوف العجينة هاتحتاج المياه ولا لأ .. و نضيفها معلقة معلقة لحد ما تتكون عجينة لينة نقدر نشكلها
ونفردها.

نتركها فى مكان دافئ لتخمر ثم نرش دقيق و نفردها ونبتدى نقطعها بالشكل اللى يعجبنا 
أنا قطعتها دواير وعملتها بشكلين، شكل البوريك أو شكل القطايف، والشكل الثانى مثلث وحشتهم بلحمة معصجة (اضغط على الرابط للتعرف على طريقة عمل اللحمة المفرومة المعصجة).

الحشوة الثانية كانت سبانخ مجمدة ومتصفية تماما من الماء و مضاف لها ملح وفلفل أسمر وسماق كتير.

العجينة سبتها ترتاح تانى شوية ثم دهنت الوجه ودخلت فرن درجة حرارته عالية 200 درجة مئوية حوالى ربع ساعة.

نتمنى تكون الوصفة سهلة وموفرة.. لو عندكم أى أسئلة، اضغطوا على الرابط ده ووجهوا أسئلتكم لصاحبة الوصفة.. وبالهنا.