طبخ الرز عموما بمختلف أنواعه، بيكون عُقدة عند كتير من البنات والسيدات، لأسباب كتيرة، ساعات لأنه بيعجن، أو بيتلسع من القعر، ومع ستات تانية مش بيستوى من النص كويس، ومن فوق بيكون ناشف، وتلاقى الحكاية عملت أزمة للبنوتة أو العروسة الجديدة اللى واقفة تعمل الرز فى بيتها، وفعلا بتحس لما مش بيظبط الرز معاها إنها فاشلة فى شغل المطبخ، أصل الرز أساسى فى سفرة الغدا المصرية ومفيش غنى عنه. وعشان كده هنقول طريقة تحضير أرز بالخضار وفى خلال 10 دقايق بس وهنكتب الطريقة والمقادير بالظبط بحيث تظبط مع أى بنت أو سيدة ويطلع طعمه حلو إن شاء الله، كمان هنقول طريقة سهلة جدا لعمل الفراخ البانيه بالروزمارى، اللى بيديها طعم وريحة مميزين.

طريقة تحضير أرز بالخضار ودجاج بانيه بالروزمارى: 

المكونات:

2 كوب أرز بسمتى

3 أكواب ماء صنبور

2 ملعقة شاى ملح

3 ملاعق طعام زيت ذرة

2 ملعقة طعام زبدة

ملعقة كركم + ربع ملعقة شاى كارى

ربع كوب خضار (بازلاء + جزر)

بصلة صغيرة مفرومة

للدجاج:

1/2 كيلو صدور دجاج مخلى

بصلة صغيرة مفرومة

1/4 ملعقة شاى زنجبيل طازج ناعم

1/4 ملعقة شاى فلفل أسود مطحون

ملعقة شاى ملح

عصير ليمونة

مخفوق بيضة مع القليل من الحليب

بقسماط ناعم

ثوم بودرة

بصل بودرة

رشة ملح

رشة فلفل أسود ناعم

2 عود روزمارى طازج

زيت للقلى

طريقة التحضير:

يُغسل الأرز جيدا بالماء الجارى، ثم يُصفى من الماء الزائد.

فى وعاء عميق، نضع الزيت النباتى والزبدة، وأثناء تسخين الزيت والزبدة، نقوم بتسخين الماء، فى وعاء عميق مناسب حتى يصل الماء لدرجة الغليان.

نضيف البصلة المفرومة، ونقوم بتشويحها على النار لمدة دقيقتين، ثم نُضيف البازلاء والجزر، ونقلبهم جيدا، ثم نضيف التوابل.

تُضاف كمية الأرز المغسول إلى البازلاء والجزر، ونضع أكواب الماء الساخن، ونتركها حتى تصل لدرجة الغليان مع الأرز والخضار.

نُقلب المكونات، وبعد غليان الماء لمدة دقيقتين مع الأرز والخضار، نهدئ النار جدا، ونُغطى الوعاء، ونضع الشياطة أسفل الوعاء، ونترك الأرز حتى يصل لتمام التسوية؛ بعد حوالى 10 دقائق، نتأكد من تسوية الأرز بتذوق جزء منه بطرف ملعقة.

لتحضير الدجاج البانيه توضع أعواد الروزمارى فى مقلاة مناسبة ثم تتبع نفس الخطوات فى الرابط التالى

ملحوظة:

استخدام الميه المغلية بيقلل مُدة التسوية جدا، وبيسرعها، يعنى لو راجعة من الشغل متأخرة وعايزة تنجزى الأكل بسرعة والتسوية تكون 100 – 100، اعملى الطريقة دى وهتتبسطى من نتيجتها، أهم شئ فى الموضوع تستخدمى المعيار الخاص بالميه بالظبط، يعنى لو عملتى معيار الرز بكوباية معينة يبقى لازم وضرورى معيار الميه يكون بنفس الكوباية.

دى وصفتنا للرز بالخضار، وصفة مُجربة كتير وعلى مدار سنين طويلة، وصفة ناجحة، وهى دى الوصفة اللى بيستخدمها الشيفات فى المطاعم والفنادق، وتقدروا تشوفوا أصل الوصفة لو ضغطوا على الرابط ده