جمبرى يعنى عشق الفسفور والطاقة، والحذر من الكوليسترول.. من أسرع الوجبات اللى ممكن تتنفذ فى البيت، مش بياخد لا وقت ولا مجهود.. تتبيل فى 5 دقايق، وسواء هيتشوى أو يتقلى أو يتعمل طاجن زى النهاردة، مش محتاج وقت خالص، طعمه غنى جدا ومش بيتشبع منه.. النهاردة هنتعلم طريقة تحضير طاجن جمبرى، وصفة لذيذة وشهية، وكلها حنية.. يلا بينا نتعرف على المكونات وطريقة التحضير.

طريقة تحضير طاجن جمبرى:

المكونات:

كيلو جمبرى جامبو

1/2 ملعقة شاى ملح أو أكثر قليلا حسب الرغبة

1/2 ملعقة طعام كمون مطحون

ملعقة شاى بهارات سمك

بشر ليمونة

4 فصوص ثوم مفروم

كوب عصير طماطم

كوب شوربة سمك

فلفل ألوان مُقطع شرائح

بقدونس طازج

كزبرة طازجة

2 ملعقة طعام زيت

طريقة التحضير:

يتم غسل حبات الجمبرى جيدا بالماء الجارى، ثم تُصفى الحبات من الماء الزائد، ثم نقوم بتقشير قشر الجمبرى الخارجى مع تنظيف الجمبرى من سلسلة الظهر أو الخيط الرملى.

فى مقلاة ساخنة، وعلى نار متوسطة، نضع الزيت، وبعد ذلك ننزل بالبصل ونعمل على تشويحه لمدة دقيقتين، ثم ننزل بالثوم المفروم، ونقلبه لمدة دقيقة مع البصل، ثم ننزل بالفلفل الألوان ونُقلب جميع المكونات مع بعضها جيدا.

ننزل بالجمبرى، فى المقلاة، ثم نُضيف باقى التوابل، ونقلب الجمبرى سريعا لمدة دقيقتين.

نضيف إليها الخليط السابق، كوب من عصير الطماطم، وكوب شوربة السمك، ونترك المكونات على نار عالية حتى تصل لدرجة الغليان.

نبدأ فى تسخين الفرن على درجة حرارة 200°م لمدة خمس دقائق، وأثناء فترة تسخين الفرن نقوم برص حبات الجمبرى فى الصينية المُناسبة "يُفضل صينية بايركس.

نُدخل الصينية فى الفرن ونتركها به مُدة من ربع ساعة إلى ثلث ساعة حسب قوة الحرارة بالفرن، مع مُراعاة عدم تركه فترة أطول من ذلك حتى لا يُصبح لحم الجمبرى مطاطيا ناشفا.

نستخرج الجمبرى ويُقدم مع شرائح الليمون والبقدونس المفروم.

يا رب وصفتنا تكون عجبتكم وتكون تكاتنا فيها واضحة بالنسبة لكم، وياريت تقول لنا رأيكم فى وصفتنا بعد ما تجربوها، فى تعليق هنا، أو على صفحتنا الرسمية على الفيسبوك، وبالهنا!

 ولو حابين تشوفوا الوصفة الأصلية اضغطوا على الرابط ده