عاوزنكوا تشاركوا معانا بوصفاتكوا من بواقي الأكل ازاي بتستغلوه وتحولوه لأكلة جديدة ومحدش ياخد باله إنها بواقي.. النهاردة هنعمل لكم ببواقي كيكة الشيكولاتة، كيكة ديسباسيتو، طعمها جميل جدا، وفيها تجديد ظريف ومختلف لبواقي كيكة الشيكولاتة.. تعالوا نعملها بسرعة سوا.

طريقة تحضير كيكة ديسباسيتو ببواقي كيكة شيكولاتة:

المكونات:

بواقي كيكة شيكولاتة

كوباية لبن

٥ معالق كبيرة نسكويك

لطريقة تحضير الصوص (اضغطوا على الرابط)

طريقة التحضير.

في قالب او طبق او كوبايه نضع الكيك ونخرمه بخله أسنان ونسقيه باللبن والنسكويك، بعدين نعمل الصوص زي اللينك ونحط علي الوش.

عملت صوص شيكولاتة من شيكولاتة كادبوري ومقدار ٥ معالق لبن
وكسرت شيكولاته على الوش.

 دى كانت وصفتنا للاستفادة من بواقي كيكة الشيكولاتة.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.