لما نقول مأكولات بحرية، يبقى على راس القايمة الجمبرى، وخصوصا لو كان بالحجم الجامبو الكبير بزيادة، الجمبرى مش بيتاكل يا جماعة، الجمبرى بيتأزأز، أو يتنأنأ كده بمزاج رايق حباية حباية، ومن غير عيش عشان منشبعش منه، وعليه العوض فى الميزانية بقى فى اليوم ده.

الجمبرى مليان فوايد هايلة للجسم ومتنوعة، مع العلم إنه غنى بالكوليسترول وده لازم الناس اللى الكوليسترول عندها عالى تخلي بالها منه ساعة ما تفكر تاكل جمبرى.. لو عاوزين تتعرفوا على فوايد الجمبرى بالتفصيل افتحوا الرابط ده 

طريقة تحضير الجمبرى الجامبو المحشى المشوى، عايزة مهارة، خصوصا فى تنظيف الجمبرى من الخيط الرملى، وده تقدروا تتعرفوا على طريقته بسهولة من خلال الفيديو ده.

طريقة تحضير الجمبرى الجامبو المحشى المشوى:

المكونات:

كيلو جمبرى جامبو

الحشوة:

1/2 ملعقة شاى ملح أو أكثر قليلا حسب الرغبة

1/2 ملعقة طعام كمون مطحون

بشر ليمونة

4 فصوص ثوم مفروم

عود زعتر طازج

بقدونس طازج

كزبرة طازجة
شبت طازج

2 ملعقة طعام زيت زيتون

طريقة التحضير:

يتم غسل حبات الجمبرى جيدا بالماء الجارى، ثم تُصفى الحبات من الماء الزائد، ثم نقوم بتقشير قشر الجمبرى الخارجى مع تنظيف الجمبرى من سلسلة الظهر أو الخيط الرملى.

نبدأ فى تحضير خلطة الحشوة، ففى المدق الخشبى، نضع التوابل، الملح وبشر الليمون والثوم المفروم، وباستخدام اليد الخشبية للمدق، نبدأ فى دق المكونات وخلطها جيدا مع بعضها البعض مع مراعاة عدم المبالغة فى الدق والتنعيم.

نضيف إليها الخليط السابق، الخُضرة الطازجة، وذلك بعد تقطيعها بالسكين إلى شرائح رفيعة، حيث نُضيف الزعتر والبقدونس والكزبرة والشبت إلى الخليط السابق، ونبدأ فى عملية دق المكونات مرة أخرى مع بعضها البعض، مع مراعاة إضافة زيت الزيتون أثناء عملية الدق، حتى يُصبح الخليط متجانسا وناعما.

نقوم بتقسيم الخليط السابق إلى جزئين، حيث نضع جزءا منه فى إناء عميق مناسب، ونضع حبات الجمبرى "الروبيان"، ونُقلب حبات الجمبرى سريعا فى التتبيلة حتى نتأكد من وصول التوابل بالكامل لكل الجمبرى ومن كافة الجهات، ونتركه به مدة نصف ساعة ليتشرب التوابل بشكل جيد.

النصف الثانى من الخلطة نعمل على وضعها كحشوة للجمبرى، حيث نعمل على قطع حبات الجمبرى من الظهر، بواسطة سكين مناسب، ثم نضع الخلطة فى الفراغ الظهرى، ونُكرر العملية مع كل حبات الجمبرى.

نبدأ فى تسخين الفرن على درجة حرارة 200°م لمدة خمس دقائق، وأثناء فترة تسخين الفرن نقوم برص حبات الجمبرى فى الصينية المُناسبة "يُفضل صينية بايركس"، ونقوم بدهان أرضية الصينية بجزء من تتبيلة الحشوة، ونرص الجمبرى بها.

نُدخل الصينية فى الفرن ونتركها به مُدة من ربع ساعة إلى ثلث ساعة حسب قوة الحرارة بالفرن، مع مُراعاة عدم تركه فترة أطول من ذلك حتى لا يُصبح لحم الجمبرى مطاطيا ناشفا.

نستخرج الجمبرى ويُقدم مع شرائح الليمون والبقدونس المفروم.

يُقدم الجمبرى المشوى مع الأرز البنى وسلطة الطحينة وكذلك الباذنجان المخلل

لمعرفة طريقة تحضير الأرز البنى اضـــــغط هنـــــــا

لمعرفة طريقة تحضير سلطة الطحينة اضـــــــــــغط هنـــــــا

لمعرفة طريقة تحضير الباذنجان المخلل اضـــــــــغط هنـــــــا

يا رب وصفتنا تكون عجبتكم وتكون تكاتنا فيها واضحة بالنسبة لكم، وياريت تقول لنا رأيكم فى وصفتنا بعد ما تجربوها، فى تعليق هنا، أو على صفحتنا الرسمية على الفيسبوك، وبالهنا!