كل ست بيت سواء امرأة عاملة أو غير عاملة بيهمها تسعد أسرتها خصوصا لما تفكر تقدم لهم طبق حلويات لذيذ من عمايل ايديها.. احنا علينا دور عشان نساعدها.. بإننا نقدم لها أفكار لوصفات كتيرة ومتنوعة للحلويات ونشرح لها ببساطة وسهولة طريقة تحضيرها.. ده بالظبط اللى هيحصل فى طريقة تحضير براونيز نوتيلا مع زبدة الفول السوداني.. وصفة سهلة جدا والطعم حكاااااااااية.. تعالوا معانا نتعرف على مقادير وطريقة تحضير براونيز نوتيلا مع زبدة الفول السوداني.

طريقة تحضير براونيز نوتيلا مع زبدة الفول السوداني:

المكونات:

أولا: مقادير البراونيز.

كوب نوتيلا

٢بيضة 
١٠ معالق كبيرة دقيق

ثانيا: مقادير الفروستينج.

٢/١كوب زبدة طرية

٢ كوب و ٤/١ سكر بودرة

معلقة صغيرة فانيليا

معلقتين لبن (حليب)

٤/٣كوب زبده الفول السوداني

طريقة التحضير.

نخلط كل المكونات مع بعض وحطيهم في صينية كب كيك و حطي في النص مكعب شوكولاتة خام أو زبدة فول سوداني ودخليهم الفرن ربع ساعة على درجة حرارة 180° مئوية.

شاهد أيضا: فيديو طريقة تحضير زبدة الفول السودانى فى المنزل من هنــــــا

طبقة الفروستينج

نضرب الزبدة ونضيف زبدة الفول السوداني ونخلطهم كويس مع بعض
ونضيف السكر البودرة شوية شوية بعد كده اللبن والفانيليا.

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.