طريقة تحضير سوفليه الأوريو


المطبخ ممكن يكون سجن!! كلمة تقيلة.. بس للأسف حقيقية.. لو الواحدة مش بتحب المطبخ ولا شغل الأكل والحلويات بيبقى بالنسبة لها وقفة المطبخ حبسة أو عقاب.. ولو الواحدة اتعودت متعملش فى بيتها غير صنفين تلاتة من غير أى تنويع أو تجديد فى الوصفات بتبقى حبست نفسها واهل بيتها فى الوصفات المحدودة دى.. تعالوا معانا كل يوم فى #جوا_الحلة نجدد وننوع فى كل تفاصيل أكلنا وشربنا وحلوياتنا.. تعالوا نخترق التقليدى بالمميز.. ونكسر حاجز الملل بالتجديد.. تعالوا نعرف طريقة تحضير سوفليه الأوريو اللى بيتعمل بسرعة وبسهولة وطعمه مش هتقدرى أبدا تنسيه.. طريقة تحضير سوفليه الأوريو مش محتاجة أى مجهود ولا مهارات خاصة لست البيت.. محتاجة بس تقرى الوصفة وتنفذيها.. يلا بينا.

 

طريقة تحضير سوفليه الأوريو:

 

المكونات:

كيسين حجم كبير أوريو

نص علبة قشطة

نص كيس كريم شانتية

معلقة نوتيلا كبيرة

نص كوباية لبن

 

طريقة التحضير.

نخلط كل المكونات مع بعضها فى الخلاط ونصبه في أطباق مُخصصة للفرن، ونحط على كل طبق مكعب جلاكسي على الوش وندخله فرن سخن من فوق وتحت من ٥ ل ٧ دقايق.

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.