الكريب من الوصفات اللى لاقت قبول كبير عند الشعوب العربية، وميزتها إنها بتتعمل بحشوات حادقة أو حلوة. الكريب فى ناس كتيرة بتعتبره وجبة مشبعة، أو تصبيرة لحد ما ييجى معاد الغدا،، ولما يبقى معمول بالنوتيلا،، يبقى مفيش أحلى منه. النوتيلا زى ما كتير مننا يعرفوا، منتج شيكولاتة مشهور جدا بجودته، وهو من ضمن مجموعة منتجات شركة فيريرو روشيه اللى دوخت العالم كله بجودة وروعة منتجاتها من الشيكولاتة.. لو حابين تعرفوا اكتر عن النوتيلا افتحوا الرابط ده. 

طريقة تحضير كريب بالنوتيلا:

المكونات:

٢بيضة

معلقة صغيرة فانيليا

3 معالق كبار سكر بودرة

معلقتين كبار زبدة سايحة

كوب دقيق

نوتيلا

موز

طريقة التحضير.

نخلط كل المقادير مع بعض كويس ونصفيهم، بعد كده طاسه على النار ممسوحة بزيت خفيف اوي نحط فنجان من الخليط ونسويه وحشيته نوتيلا وموز وقطعته.

دى كانت وصفتنا.. نتمنى تعجبكم.. 

ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.