طريقة تحضير أكواب الشيكولاتة


فى أفكار كده عبقرية فى نفسها، زى فكرة وصفتنا النهاردة، أكواب الشيكولاتة.. نعمل من الشيكولاتة كوبايات ونحشيها زى ما احنا عاوزين ونزيينها بطريقتنا الخاصة، ونقدمها لضيوفنا فى عزومة حلوة تجمعنا مع حبايبنا.. أكواب الشيكولاتة وصفة هايلة خصوصا لعشاق الشيكولاتة والكريمة الغنية.. تعالوا مع بعض نتعرف على طريقة تحضير أكواب الشيكولاتة بسهولة ومن غير تفكير كتير. 

 

طريقة تحضير أكواب الشيكولاتة:

 

المكونات:

 

شيكولاتة خام ٢٠٠ جم

معلقتين زيت صغيرين

كوب بودرة موس شيكولاتة

كوب لبن ساقع جدا

معلقتين نوتيلا كبار

فراولة

 

طريقة التحضير.

 

نسيح الشيكولاتة على حمام مائي ونحط عليها معلقتين زيت، نملا قوالب السليكون بالشيكولاتة وننزل الزيادات ندخلها الفريزر ربع ساعة تمسك، ونطلعها من القوالب بس ناخد بالنا عشان متتكسرش.

نعمل الموس، نضرب البودرة مع اللبن ونضيف النوتيلا، نحط الموس في قمع ونملى القوالب. 

الفراولة بغطيها بنفس الشيكولاتة اللي سيحتها واحطها على ورق زبدة، بكون مسيحة شيكولاتة بيضاء واعمل خطوط للتزيين.

 

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.