الأكل بيعلم الحُب! غريبة شوية؟! همه مش كانوا بيقولوا فى المثل "أقرب طريق لقلب الراجل معدته"؟! يعنى الأكل بيعلم الحب! مش موافقين؟! طيب بلاش المثل ده، لكن تعالوا لأول أكلة لينا فى الحياة، أول ضمة فى حضن أمهاتنا، أول نقطة غذاء نزلت فى معدتنا الصغيرة جدا، كانت لقمة لبن متغمسة بالحب، وقتها مكناش نعرف يعنى إيه أكل، أو طعم، لكن عرفنا إن الوجبة دى طعمها حب، وريحتها حنية.

كل أكلة بعد كده جت فى حياتنا، كانت بتعلمنا بشكل غير مباشر، معنى الحب، إنك تبقى فى دراستك أو شغلك، وترجع البيت تلاقى وجبة اتعملت على ذوقك عشان ترضيك، عشان تاكلها وتدخل ترتاح بعدها، أو تنام، أو تكمل مذاكرة.. لقمة فى كل تفصيلة من تفاصيلها تلاقى الرعاية والاهتمام.. الأكل من إيد الأم، أو الأخت، أو الزوجة كلمة حب بتتقدم فى شكل وجبة، وكل وجبة وليها قلب بيعملها بإخلاص وقلب تانى ياكلها ويحس بيها وبالحب اللى اتعملت بيه.

أول طاجن بامية بالنسبة لى، عرفت معاه معنى جديد للحب، كان طعمه خرافى، مطبوخ بمعلمة عالية، مظبوط فى كل مكوناته كأنه اتعمل بالميزان، عصرة الليمون وطعمها المزز، والشطة وهى بتزغزغ الفم، كل حاجة كانت بالمسطرة على مزاج معدتى؛ يومها وقعت فى غرام طاجن البامية اللى من إيد أمى؛ وعرفت يعنى إيه الأكل اتعمل بمزاج! النهاردة وأنا بكلمكم عن البامية لازم كمان أحكى شوية عن فوايدها.

فوائد البامية:

مهمة لصحة المرأة الحامل بسبب احتوائها على حامض الفوليك وهو من المركّبات الطبيعيّة المهمّة لصحة الحامل، وتحمي الفيتامينات الموجودة في البامية الجنين من الإصابة بأمراض العمود الفقرى، وتساعد على النموّ وتحافظ على الخلايا الجديدة لتضمن النمو الصحي والسليم للطفل.

يساعد تناول البامية على تنظيم مستوى سكر الدم؛ لاحتوائها على الألياف الطبيعيّة.

تحتوي البامية على فيتامين ج الذي يساعد في تقليل خطر الإصابة بالربو.

طريقة عمل طاجن بامية

المكونات:

1/2 كيلو بامية

1/4 لتر شوربة لحم أو دجاج

عصير ليمون

2 ملعقة طعام معجون طماطم

1/4 لتر عصير طماطم

1 حبة بصل أبيض مُقطعة شرائح

4 فص ثوم مُقطع شرائح

1 قرن فلفل أحمر حار

ملح، فلفل أسود

2 ملعقة طعام زيت نباتى

2 ملعقة طعام سمن

طريقة التحضير:

يُوضع الزيت النباتى والسمن فى وعاء على نار متوسطة إلى ضعيفة، ثم يُوضع البصل والثوم مع التقليب، حتى يصبح لونهما أصفر.

يُضاف عصير الطماطم ومعجون الطماطم والملح والفلفل، وتُقلب المكونات جيدا، ثم يُغطى الوعاء، وتترك الصلصة لتأخذ التسبيكة والسمك المطلوب.

تُضاف البامية والشوربة إلى الصلصة ويُغطى الوعاء حتى تغلى المكونات.

بعد الغليان لمدة 3-5 دقائق، يتم تخفيض درجة الحرارة إلى هادئة، ثم يوضع قرن الفلفل الحار مع باقى المكونات.

تترك البامية على النار حتى تصل للتسوية المتوسطة، ثم توضع فى طاجن فخار ويتم تغطيته بورق فويل بشكل مُحكم، ثم يوع الطاجن فى الفرن على درجة حرارة 180م لمدة نصف ساعة، ويرفع بعدها من الفرن ويضاف إليها عصير الليمون.
يُقدم طاجن البامية مع الأرز المصرى أو الخبز البلدى.