من النهاردة مفيش معاناة فى عمل كيكة، مفيش كلمة "كيكة فاشلة"، مفيش حاجة اسمها "مبعرفش أعمل كيك"، كل ده معانا فى جوا الحلة كلام فارغ ترميه ورا ضهرك، وتشوفى طريقتنا فى عمل كيكة هشة طازة ناحجة بتقدير ممتاز مع مرتبة الشرف، ومتعينة فى أعضاء الوصفات الناجحة عن جدارة واستحقاق!

عمل كيكة هشة فى وصفتنا مش محتاج مجهود ولا عبقرية مطبخية، وأنا مسمياها، "الكيكة الجوكر"، لأنها ينفع تبقى كيكة بأى طعم أنتِ تحبيه، يعنى تنفع كيكة سادة، أو كيكة برتقال، أو كيكة شوكولاته، او كيكة ليمون أو فراولة أو ........... أى شئ إلى ما لا نهاية، بمجرد ما تضيفى الطعم اللى بتحبيه على المكونات اللى هنتعرف عليها بعد شوية، تبقى كيكة تانية بالطعم المُفضل والمُحبب ليكى ولأسرتك، وبجد نتيجيتها خرافة فى الشكل والمضمون، وفعلا طازة وبتطلع عاليه ومرتفعة وشامخة جدا جدا.. وكمان هتملا البيت دفا خصوصا فى فصل الشتاء.

عشان نعمل كيكة فى البيت، لازم بصراحة يتوفر عندنا شوية مواصفات كده للفرن بتاعنا، ولازم نكون على دراية ممتازة بطبيعة وحالة الفرن كويس، يعنى أنا مثلا عارفة إن الفرن عندى بيحتاج 40 دقيقة على درجة 180°م عشان الكيكة تستوى تماما فيه، مع العلم إنى بسيبها حوالى 10 دقايق جواه وأنا مواربة باب الفرن عشان أضمن إن الكيكة متهبطش ولا متظهرش فيها أى شقوق، طبعا هكتب اكلام ده فى طريقة تحضير الكيكة، لكن كل فرن عند كل ست بيت هيختلف عن الفرن بتاعى، فلازم تكونى عارفة كويس طبيعة درجة حرارة الفرن عندك وده بيحصل طبعا بكتر التجارب من ناحية، وبالكشف عن تسوية الكيكة مرتين تلاتة على الأقل من ناحية تانية، كمان أنا براعى فى الوصفة دى وفى أغلب الوصفات، إنى أكتب جملة "مُدة التسوية من 30-40 دقيقة تقريبا"، عشان تكون كل واحدة عارفة إن فرنها غير فرنى وبالتالى مُدة تسوية الكيكة، وخصوصا من النُص هتختلف أو قد تتشابه تماما معايا، يا ريت نهتم بالكلام ده فى وصفاتنا كلها عشان منرجعش نقول نفذت الطريقة بالظبط وبردو مظبطتش معايا!

أحب أقول بردو لمرضى السُكر، إنهم ممكن طريقة عمل كيكة هشة تنفع معاهم بس مع تقليل نسبة السكر اللى هنذكرها بعد شوية، ومع استخدام دقيق غامق، يعنى يقدروا يستفيدوا من وصفتنا ومحرموش نفسهم من الوصفات دى وربنا يشفى كل مريض.. تعالوا بقى كده مع بعض نتعرف على الفوايد الكتيرة جدا للدقيق أو الطحين زى ما بيقول عليه أهل الخليج والشام.

فوائد الدقيق "الطحين":

من المعروف أن الدقيق مادّة غذائية مهمة جدًا يتمّ تصنيعها من الحبوب مثل القمح، والشعير والذرة... يشيع عمومًا استعمال دقيق القمح، المتوافر بدوره في أنواع عدة. فهناك الدقيق الأبيض، والدقيق الأسمر، والدقيق الكامل القمحة، والدقيق الخشن، والدقيق الناعم... ولكل نوع من هذه الأنواع استعمالاته الخاصة. وبالتالى يدخل في إعداد الخبز بشكل أساسي، إضافة إلى المعجنات والحلويات المختلفة والكعك.

وبعيدا عن فوائده الغذائية فهو أيضا يتمتع باستخدامات في المجال الجمالي، وذلك عن طريق دخوله في صنع أقنعة مختلفة للبشرة، حيث أنه يعالج البشرة الدهنية من حب الشباب، والكلف، والبثور، ويفتّح ويبيّض البشرة السمراء، ويرطّب البشرة الجافّة ويزيدها نضارة، ويشد البشرة ويحميها من التجاعيد...

ويكشف الدقيق أيضا عن فوائد جمة. فهو يساعد على الحؤول دون الإصابة بالمشاكل الهضمية لأنه يحتوي على نسب عالية من الألياف القابلة للذوبان، ويساعد بالتالي على منع الإصابة بالإمساك وسرطان القولون. كما يساعد الدقيق قدرة الجسم على مقاومة الأمراض، ولاسيما الدقيق الأسمر بشكل خاص، الغني بالمواد المضادة للأكسدة التي تدمر الجزيئات الطليقة المسببة للمرض. هذا بالإضافة إلى أنه يقلل من أعراض سن اليأس لأنه يحتوي على الفيتو ايستروجينات، وهي مواد نباتية تحاكي تأثير الاستروجين، وتساعد على تخفيف الأعراض المرافقة لسن اليأس مثل الطفح االجلدي. ويحافظ الدقيق أيضًاَ على العظام والأسنان لأنه غني بالكلسيوم (ولا سيما الدقيق الأبيض)!

طريقة عمل كيكة هشة:

المكونات:

3 أكواب دقيق (طحين) ناعم لأغراض الخبز

2 كوب سكر أبيض

كوب زيت ذرة

كوب لبن "حليب"

3 بيضات

معلقة شاى بيكينج بودر

معلقة شاى فانيليا أو مُستخلص الفانيليا

طريقة التحضير.

يُنخل الدقيق ويوضع المقدار في إناء العجن، وتُضاف كل المكونات الجافة (السُكر، بيكينج بودر، الفانيليا) إلى الإناء ويقلبوا جيدا معا.

في الخلاط، تُوضع المكونات السائلة مع بعضها (الزيت، الحليب، البيض) وتُضرب جيدا حتى تتجانس، ومن الممكن خلط المكونات السائلة بالمضرب اليدوى أو المضرب الكهربى، حتى نصل لقوام سائل مُتجانس.

بعد ذلك تُضاف المكونات السائلة التى تم خلطها جيدا مع بعضها البعض، تُضاف إلى المكونات الجافة تدريجيا، مع التقليب المُستمر بواسطة ملعقة مناسبة.

يستمر تقليب المكونات أثناء إضافة الخليط السائل للمكونات الجافة حتى تمام التجانس بين المكونات جميعها، والحُصول على قوام لبانى جميل.

نقوم بتحضير قالب الكيك، حيث نضع في أرضية القالب ورقة زبدة، ثم ندهن جميع جوانب القالب بزيت الذرة، وهذه الخُطوة مهمة جدا، لمنع التصاق الكيكة بالقالب من ناحية، وللحصول على جوانب مُقرمشة من ناحية أخرى.

بعد ذلك، نبدأ في صب الخيط في القالب، ويُراعى أن يتم هز القالب باليدين بعد الانتهاء من صب الخليط بالكامل، وذلك لضمان الحصول على سطح مستوٍ.

نقوم بتسخين  الفرن على درجة حرارة 180°م، لمدة ربع ساعة، وبعد التسخين نقوم بوضع قالب الكيك في الفرن، ويُراعى أن يوضع القالب في الرف الأوسط حتى يأخذ اللون الذهبي ويصبح تام التسوية، تستغرق هذه الخطوة حوالى من 30-40 دقيقة حسب الفرن، ثم نغلق الفرن ونفتح الشواية لمدة 5 دقائق لنحصل على لون أصفر ذهبى جميل للكيكة.

نختبر تسوية الكيكة باستخدام خلة أسنان، حيث نقوم بفتح الفرن بعد 25 دقيقة، ونضع خلة الأسنان في منتصف الكيكة بالضبط، فإذا خرجت الخلة بدون أن يكون معها أى جزء من العجين، فهذا دليل على تمام تسوية الكيكة، أما إذا خرجت خلة الأسنان ومعها عجين "ولو قليل جدا" في صورة سائلة أو شبه سائلة، فهذا يعنى ان تُترك الكيكة مدة 10-15 دقيقة أخرى حتى نختبر مدى تسويتها مرة أخرى.

 وصفة كيكة الجوكر وصفة هايلة لفطار عائلى مع الشاى والزبدة أو الزبدة والمربى، يعنى فطار على الطريقة الإنجليزية، كمان هو حل رائع لرحلات اليوم الواحد، وصنف لازم تعمليه ولو مرة في الأسبوع للانش بوكس، جربى طريقتنا ولو عجبتك شجعينا بنشر الوصفة بين أفراد عائلتك وأصحابك المقربين، وبالهنا.