الستات بتتعب من وقفة المطبخ، دى حقيقة.. وبتتعب أكتر من التفكير كل يوم فى الأكل اللى المفروض تطبخه وتقدمه لأهل بيتها.. وكمان لما بتلاقى إجابة سؤالها اليومى المعتاد، يا ترى هطبخ ايه النهارده؟! بتتعب فى التنفيذ.. هو تحضير الأكل تعب فى كل مراحله، بس يستحق مننا كبنات وسيدات إننا نتعب!

طيب يا ترى لازم الواحدة تتعب كده كل يوم؟! الإجابة طبعا لأ.. وعشان كده بنقدم لكم وصفات سهلة وسريعة التحضير جدا، واللى من بينها طريقة تحضير الدجاج بالأناناس وصوص الباربيكيو.. وصفة سريعة جدا وطعمها لذيذ وشهى جدا.. طريقة تحضير الدجاج بالأناناس وصوص الباربيكيو، مش محتاجة لا مهارة، ولا وقت ولا جهد، كل اللى بتحتاجه إن المكونات تكون متوفرة، وبس.. فى ربع ساعة بالظبط هيبقى معاكى الغدا جاهز على الأكل.. تعالوا نتعرف على طريقة تحضير الدجاج بالأناناس وصوص الباربيكيو، ومكوناتها.

طريقة تحضير الدجاج بالأناناس وصوص الباربيكيو:

المكونات:

نصف كيلو دجاج فيليه

3/4 ملعقة شاى ملح

1/2 ملعقة شاى فلفل أسود مطحون

2 ملعقة طعام زيت زيتون

قطع أناناس طازجة، أو مُعلبة

فلفل ألوان (أخضر، أصفر، أحمر)

2 ملعقة طعام صوص باربيكيو

طريقة التحضير:

يتم تقطيع صدور الدجاج الفيليه على شكل مكعبات متساوية الحجم.

نقوم بتتبيل قطع الدجاج، وذلك بوضعها فى طبق عميق، وإضافة صوص الباربيكيو لها، ونتركها لمدة نصف ساعة فى الصوص حتى تتشربه تماما.

نضع مقلاة مناسبة، على نار متوسطة ونتركها حتى تسخن ثم نضيف زيت الزيتون.

نبدأ بعد ذلك فى إضافة قطع الدجاج إلى الزيت الساخن، ونُراعى أن نقوم بتهدئة درجة الحرارة قبل وضع قطع الدجاج.

نُضيف قطع الأناناس إلى المقلاة، ونقلب جيدا.

نقوم بإضافة الفلفل الألوان، وذلك بعد تقطيعه إلى مكعبات متوسطة الحجم.

نُقلب المكونات جيدا، ثم نضيف الملح والفلفل الأسود، ونترك جميع المكونات لمدة 10 دقائق على النار، حتى تصل إلى التسوية الكاملة.

تقدم الوصفة مع الأرز الأبيض المصرى أو البسمتى.

يا رب تكون وصفتنا سهلة ودمها خفيف، جربوها فى البيت ومنتظرين نعرف رأيكم فى الوصفة ونشوف صورها، اكتبولنا تعليقاتكم على موقعنا الرسمي وعلى صفحتنا على الفيسبوك.