طريقة عمل كيكة الخلاط السريعة 

كل فترة بينزل ترند جديد فى الأكل والمطبخ، يا إما طعم مختلف، يا إما ترند موفر للفلوس، أو ترند موفر فى الوقت. 

نزل من قريب ترند كيكة الخلاط السريعة وحبينا فى جوا الحلة نجربه ونقولكم طلع موفر فى ايه وكمان ندوق الطعم. 
كيكة الخلاط السريعة الهدف منها فصل بعض المكونات وضربها فى الخلاط أو الكيتشن ماشين والسبب فى كدة أن خليط الكيكة يحتفظ بقوامه وبالتالى الكيكة تنفش بموكنات مش كتيرة وتطلع فى الآخر هشة من جوا. 

طريقة عمل كيكة الخلاط السريعة: 

يالا بينا نكتب المكونات على طول 

4 بيضات بحرارة الغرفة

باكيت فانيليا ( 8 جرام )

كوباية ونص سكر ( 300 جرام )

كوب زيت ( 200 جرام )

كوب حليب ( 230 جرام )

2 ونص كوب دقيق متعدد الإستخدامات ( 312 جرام )

باكيت بيكنج بودر ( 15 جرام )

الخطوات لطريقة عمل كيكة الخلاط السريعة: 

نحضر الخلاط أو الكيتشن ماشين ونضع فيه البيض والسكر والفانيليا، نبدأ فى خلط المكونات مع بعضها البعض مع إضافة كمية الزيت واللبن بالتدريج أثناء الخلط حتى تتحول إلى سائل. للتعرف على شكل الخليط والخطوة الأولى شاهد الفيديو فى آخر الموضوع. 
نضع السائل فى بولة مناسبة ثم نبدأ فى إضافة كمية الدقيق المذكورة سابقا. 

ثم نضيف البيكنج بودر. باستخدام المضرب اليدوى نبدأ فى خلط المكونات بحركة دائرية وببطىء إلى حد ما. 

ملحوظة مهمة: 

هنا الخطوة إللى محدش قال إنها بتاخد وقت ومجهود. التقليب بالمضرب اليدوى بياخد وقت وكمان محتاج عضلات يعنى ممكن تعتبروها رياضة. 

لكن الميزة فى استخدام المضرب اليدوى أنه بيعطى قوام جميل للكيكة وأيضا ترتفع ضعف الكيكة المضروبة بالمضرب الكهربائى. 

بعد الانتهاء من خلط المكونات وتحولها إلى السمك المطلوب، نحضر قالب الكيك وذلك بدهن القالب بطلقة خفيفة من الزيت النباتى ثم وضع دقيق أبيض فوق طبقة الزيت ثم ضرب القالب بالكف الأيمن للتخلص من أى دقيق زائد فى القالب، وتسمى هذه الخطوة (تبدير القالب) 

نضع خليط كيكة الخلاط السريعة فى القالب ونقوم بتسخين الفرن لمدة 10 دقائق قبل إدخال القالب فيه. 

نقوم بإدخال القالب على الرف الأوسط فى درجة حرارة 180 درجة مئوية لمدة 40 دقيقة. 

نختبر كيكة الخلاط السريعة بوضع خلة أسنان فى منتصف القالب فإذا خرجت نظيفة تماما فهذا يعنى ان الكيكة أصبحت فى حالة تسوية كاملة. 

ملحوظة: 

لا نخرج الكيكة فورا من الفرن لكن نقوم بمواربة باب الفرن قليلا ونترك الكيكة فيها لمدة من 10 إلى 20 دقيقة ثم نستخرجها، وذلك حتى لا تهبط الكيكة. 

تؤكل كيكة الخلاط السريعة مع مشروبكم الساخن المفضل ويمكن أن تمثل جزء مهم من وجبة الافطار كما أنها محببة كثيرا للأطفال، فيمكنك إضافتها للانش بوكس. 

يمكن بنفس الطريقة والمكونات عمل كيكة البرتقال ولكن يتم استبدال اللبن بنفس المقدار من عصير البرتقال الطازج. 

يا رب تكون الوصفة سهلة ومفهومة والطعم يبقى ولا أحلى. 

لمشاهدة طريقة عمل كيكة الخلاط السريعة فيديو على يوتيوب اضغط >>>>> هنـــــا