طريقة تحضير كنافة أم على ببواقى كنافة


جميل جدا ناكل حلويات ونتبسط، والأجمل لو عملنا كميات على قدنا عشان مفيش حاجة تترمى ولا تبات ومحدش يرضى ياكلها.. طيب، ولو حصل والحاجة باتت عندنا زى الكنافة مثلا، ونشف ومحدش بقى عاوز ياكلها؟! أكيد أكيد مش هنرميها، هنحولها لشكل تانى جديد ولذيذ عشان تتاكل بكل حماس وشهية مفتوحة.. النهاردة عملنا ببواقى كنافة ناشفة وبايتة وصفة جديدة سميناها كنافة أم على، التسمية من اختراعنا والوصفة من اختراع شيف أحمد الزيات.. تعالوا معانا نتعرف على طريقة تحضير كنافة أم على ببواقى كنافة.

 

طريقة تحضير كنافة أم على ببواقى كنافة:

 

المكونات:

بواقى كنافة

ملعقة كبيرة سمن بلدى

حليب

ملعقة كبيرة قشدة

كيس كريم شانتيه

ذرة فانيليا

 

طريقة التحضير:

يتم تسخين السمن فى مقلاة مناسبة، ويُضاف له الحليب "اللبن" والقشدة والكريم شانتيه، والفانيليا.

تُقلب كل المكونات جيدا مع بعضها على نار هادئة متوسطة، حتى تمام التجانس والامتزاج.

نقوم بتحضير قوالب بايركس، أو طواجن فخار، بدهان قاعها وجوانبها بالسمن ونضع كمية الكنافة البواقى بقاع القالب، ونكبسها جيدا باستخدام راحة اليد، ثم نضع المكونات التى أعددناها على النار فوق طبقة الكنافة بحيث تغطى الكنافة بالكامل.

توضع قوالب البايركس في فرن ساخن حتي تحمر من أسفل، ثم نفتح الشواية لتحمر من الوجه ثم تستخرج من الفرن وتُقدم، وبألف هنا وشفا.

دى كانت وصفتنا لاستغلال بواقى الكنافة، تقدروا تشوفوا البوست الأصلى للوصفة من خلال الرابط ده

 

ولو عجبتكم، اعملوا لها شير عشان الكل يستفيد، وبألف هنا.