المخللات أو فواتح الشهية، الطبق الشهير جدا على كل سفرة بيت مصرية، مين يقدر يقاومه، ده لا يقاوم وليس له مثيل فى الكون. من الجميل إننا نقدر نعمل المخللات فى بيوتنا، خصوصا لو كنا بنحبها، والجميل إننا نتقن عمايلها ونشعر بفارق الطعم الرهيب المخدوم ما بين مخلل البيت وما بين المخللات اللى بنشتريها جاهزة من بره.. الخيار المخلل من الوصفات اللذيذة واللى ممكن تتعمل وتكون جاهزة للأكل فى يومين اتنين بس.. طريقة تحضير الخيار المخلل اللى بنقدمها سهلة وسريعة فى التحضير، واللى بيكون مكوناتها بسيطة ومتوفرة فى أى بيت، وكمان سعرها زهيد، يعنى فى متناول الجميع.. وصفتنا النهاردة بتقدمها مدام أمل، وبتستخدم فيها الكرفسى ضمن مكونات الوصفة، وده المكون اللى بيخلى الخيار المخلل مميز جدا فى طعمه والرائحة بتاعته، تعالوا نتعرف مع بعض على طريقة تحضير الخيار المخلل.

طريقة تحضير الخيار المخلل:

المكونات:
كيلو خيار مخلل

2 قرن فلفل أخضر حار

5 ملاعق صغيرة ملح

3 أكواب ماء

حزمة كرفس مُقطعة شرائح

ملعقة كبيرة خل أبيض

ملعقة صغيرة سُكر

2 فص ثوم مُقطع شرائح

طريقة التحضير:

يغسل الخيار والفلفل الحار جيدا ويوضع فى  برطمان التخليل.

يغسل الكرفس ويقطع صغيرا ثم يفرم مع الثوم والملح.

نضع الماء فى وعاء ثم نُضيف له الملح والخل والسكر، ونترك الخليط حتى يغلى.

نترك الماء حتى يبرد، ثم يصب فى البرطمان على الخيار.

لابد ان يغطى الخيار بالكامل بالماء، ونغلق البرطمان لمدة يومين وبالهنا والشفا.

نتمنى تكون وصفتنا سهلة وتكون عجبتكم.. لو عندكوا أى أسئلة بخصوص الوصفة، افتحوا الرابط ده واسألوا صاحبة الوصفة.. وبالهنا.