الدايت صحة مش حرمان.. فكرة الدايت مش قائمة فقط على إنقاص الوزن، لكن بتعتمد أكتر على التعود على نظام غذائي صحي، نبعد فيه عن كل أنواع الأكل اللي بتضر بالجسم بشكل عام.. ومن الوصفات اللي بيحتاجها أصحاب الدايت خصوصا في وجبة الإفطار، الجبنة القريش.. وهي من الوصفات الرائعة اللي بتساعد في النظام الغذائي الصحي.. بس مش كل الناس بتقدر تستسيغها، لأنها ملحها خفيف جدا والواحد وهو بياكلها بيحس إن ملهاش طعم.. طيب ما احنا ممكن نتصرف ونغير شوية في الجبنة القريش ونضيف لها شوية مكونات صحية تانية علشان تكسبها طعم لذيذ ومحبب للنفس والمعدة.. وهي دي طريقتنا.. طريقة عمل جبنة قريش كريمي لذيذة في طعمها وسريعة جدا في تحضيرها.

طريقة عمل جبنة قريش كريمي:

المكونات:

نصف كيلو جبنة قريش

شرائح فلفل ألوان (أحمر وأصفر وأخضر)

2 ملعقة كبيرة زيت زيتون

ملعقة كبيرة كمون مطحون

لمشاهدة فيديو الجبنة القريش على يوتيوب اضغــــط >>>> هنــــــــــــــــــــــا

طريقة التحضير:

يتم وضع الجبنة القريش في الخلاط، ثم يُضاف إليها شرائح الفلفل الألوان.

يُضاف زيت الزيتون والكمون للمكونات.

تُضرب جميع المكونات في الخلاط حتى تمتزج تماما ونحصل على القوام الكريمي.

تستخرج الجبنة من الخلاط وتحفظ بالثلاجة (البراد) ويتم تناولها على مائدة الإفطار.