تفتكروا إننا نقدر نحارب الجوع فى إفريقيا؟! ليه لأ، خصوصا مع أفكار بايتاباقي اللى بيها بنحارب هدر الطعام ونخلق من بواقي الأكل السليم وصفات رائعة ومُغذية وشهية عشان نغير ثقافة التكبر على نعمة ربنا اللى بتتسبب فى إلقاء طعام سليم جدا في سلة المهملات.. وصفتنا النهارده مش مجرد وصفة، لأ.. هي فكر مبتكر ومش محتاج مجهود عشان نحس بالغير.. من الناس اللى بتبحث عن لقمة عيشها وسط أكوام القُمامة.. تعالوا نشجع بعض وندعم بعض عشان نحافظ على النعمة، ونقلل نسب الجوع فى بلادنا وأوطاننا.. تعالوا نستخدم بواقي قطع اللحم فى عمل طبق شوربة رائع ومُشبع.

طريقة تحضير شوربة لسان عصفور بقطع اللحم:

المكونات:

كوب حبوب لسان عصفور

لتر شوربة لحم (أو مرقة لحم)

2 أو 3 قطع لحم بواقي

2 فص ثوم مفروم

ملعقة صغيرة بصل مفروم

1/4 ملعقة شاى فلفل أسود مطحون

1/2 ملعقة شاى ملح طعام

كرفس قطع

فلفل أصفر قطع

ملعقة طعام معجون طماطم

ورق لورا (2 ورقة) + عود قرفة

 ملعقة طعام زيت زيتون

طريقة التحضير:

نقوم بتقطيع قطع اللحم لقطع صغيرة متساوية فى الحجم.

فى وعاء مناسب، نضع ملعقة من زيت الزيتون ثم نضع الثوم المفروم والبصل المفروم ونُقلبه حتى يذبل قليلا.

نضع الكرفس والفلفل الأصفر ومعجون الطماطم ونقلب جيدا، ثم نُضيف قطع اللحم.

نُضيف شوربة اللحم ولسان العصفور، وورق اللورا وعود القرفة، ثم نضع الملح والفلفل الأسود ونقلب المكونات لمدة دقيقة، ثم نُغطى الوعاء ونترك الشوربة لتصل لتمام التسوية.

تُصب الشوربة تقدم فى الأطباق المناسبة.

طريقة تحضير شوربة لسان عصفور بقطع اللحم البواقي، طريقة اقتصادية بتعلمنا التوفير وعدم التكبر على النعمة، شوفوا طريقة التحضير بالتفصيل فى الفيديو ده، وبالهنا.