عمركم غمستوا البيتزا بعيش ناشف؟! موضوعنا النهاردة طريقة تحضير طاجن البيتزا، هتخليكوا تغمسوا البيتزا بالعيش الناشف، سواء عيش التورتيا المحمص، أو العيش اللبنانى المحمص أو بأى نوع مقرمشات متوفر عندكم فى البيت.. تغميسة بيتزا وصفة رائعة للناس اللى بتعشق البيتزا ومش بتقدر تحضرها، أو بتزهق من خطوات التحضير الكتيرة، ويمكن يكونوا كمان مش بيعرفوا يعملوا بيتزا فى البيت، بس لأنهم من عشاقها، عملنا لكم طريقة تحضير طاجن البيتزا، الوصفة اللى بتحل كل المشاكل، وبتحقق طعم رهيب، تعشقه المعدة والعين والفم.  

أنواع الصوص، اللى بتستخدم مع البيتزا كتيرة، أشهرها صوص البيتزا المرجريتا.. لكن فى أنواع تانية كتيرة بيتم استخدامها مع البيتزا، أشهرها النوع اللى قدمته محلات Papa John’s بداية من تاريخ تأسيسها بواسطة صاحبها John Schnatter  فى عام 1984، بدأت تنشر تغميسات البيتزا اللى كان من أشهرها تغميسة الثوم اللى ليها قوام لبانى، وبتعتمد فى تركيبها على الملح والثوم والزبدة. أما محلات Little Caesars، فاشتهرت بنوع من تغميسة البيتزا أطلقوا عليه اسم Crazy Sauce، أى التغميسة المجنونة، واللى بيحتفظوا بأسرار تحضيرها لنفسهم.

احنا عملنا لكم تغميسة بيتزا لطيفة ودمها خفيف، وطعمها شهى جدا جدا، تعالوا معانا نتعرف على طريقة تحضير طاجن البيتزا أو تغميسة البيتزا، وحضروا العيش الناشف المُفضل ليكم من دلوقتى ويلا بينا نجهز للأكل.

طريقة تحضير طاجن البيتزا (تغميسة بيتزا):

المكونات: (تكفى لـ4 أفراد)

1/2 لتر حليب كامل الدسم

250 جرام جبن كريمى (النوع المُفضل لكم)

نصف كوب جبن موتزاريلا مبشورة

نصف كوب جبن بارميزان مبشورة (أو شيدر حسب المتوفر)

ملعقة طاعم دقيق

للحشوة:

شرائح ببيروني

250 جرام جبنة موتزاريلا مبشورة

لصوص البيتزا:

2 ملعقة طعام معجون طماطم

ملعقة شاى بودرة بصل

1/4  ملعقة شاى ثوم بودرة

1/4  ملعقة شاى زعتر جاف

1/4  ملعقة شاى ريحان جاف

1/4 كوب ماء صنبور

رشة ملح

طريقة التحضير:

يتم تحضير الأجبان أولا، فعلى نار متوسطة، نضع الوعاء العميق المناسب، ثم نبدأ فى وضع الحليب به، ثم الجبن الكريمى، والجبن البارميزان والجبن الموتزاريلا، ونُقلب المكونات جيدا حتى تمتزج تماما وتتجانس، ثم نُضيف الدقيق لإعطاء سُمك لطبقة الأجبان، ونذوبها جيدا مع باقى المكونات، باستخدام المضرب اليدوى.

يُرفع الوعاء من فوق النار، بعد أن تُصبح طبقة الأجبان جاهزة، ويتم سكبها فى طاجن فخار مُناسب فى الحجم، وتترك جانبا لتبرد، ونبدأ فى تحضير الصوص الأحمر.

فى مقلاة ساخنة نضع معجون الطماطم، ثم نُضيف إليه الماء، ونتركه قليلا حتى يسخن ويُصبح سميكا، بعدها نقوم بإضافة التوابل المذكورة فى المكونات، ونُقلب الصوص جيدا بواسطة ملعقة خشبية، ثم نتركه على النار فترة من 3-5 دقائق لتتجانس المكونات مع بعضها ونحصل على صوص سميك ومناسب، ثم يُرفع الصوص من على النار ويترك جانبا ليبرد.

بعد أن يبرُد الصوص الأحمر، نقوم بفرده فوق طبقة الأجبان حتى يُغطى مساحتها بالكامل، بعدها نبدأ فى وضع الحشوة وتوزيعها بشكل مناسب فوق طبقة الصوص الأحمر، حيث نقوم برص الجبنة المتوتزاريلا فوق طبقة الصوص، ثم نقوم برص شرائح البيبروني بحيث تُغطى سطح طبقة الصوص الأحمر بالكامل.

فى درجة حرارة 180°م، نُدخل الطاجن للفرن لفترة حوالى من 15-20 دقيقة حسب قوة الفرن وتوزيع الحرارة به، ويُفضل أن نكون قد قُمنا بتسخين الفرن فترة ربع ساعة قبل وضع الطاجن به.

بعد مرور ربع ساعة، نقوم بوضع الطاجن فترة من 3-5 دقائق تحت الشواية للحصول على اللون الذهبى الجميل والمُناسب للتقديم.

تُقدم تغميسة البيتزا مع المقرمشات الناشفة، أو أى نوع خبز ناشف مُفضل لديكم، ويُفضل أكلها ساخنة.

أتمنى تكون وصفتنا سهلة، وهى بصراحة سريعة جدا فى تحضيرها، وطعمها روعة. لو تحبوا تشوفوا الوصفة بشكل تفصيلى أكتر، يعنى الخطوات خطوة خطوة، افتحوا الرابط ده  للفيديو التفصيلى للطريقة، ونتمنى إنه يعجبكم ويسهل عليكم طريقة تنفيذها فى البيت، وبالهنا.