لما نقول عيد الفطر، أو العيد الُصغير، يبقى العيدية، اللى كلنا واحنا أطفال كنا بنستناها بفارغ الصبر، واللى لما كبرنا بقى أولادنا وأولاد اخواتنا بيستنوا ياخدوها مننا. فلوس جديدة تدخل البهجة على قلب الأطفال، وفساتين وبناطيل جديدة للأطفال فى كل مكان، وسهرة للصبح من غير نوم، وأغنية أم كلثوم شغالة بتقول: يا ليلة العيد آنستينا وجددتى الأمل فينا، يا ليلة العيد.

كحك العيد فى مصر له تاريخ طويل، بيرجع للعصر الفرعونى، كان بتقدم فى الأعياد بردو، خصوصا فى يوم تعامد الشمس. هنلاقى إن فى مقابر فى طيبة ومنف، اترسمت على جدرانها عملية صناعة ونقش وخبز الكحك، من أهمها مقبرة "رخمى رع" من الأسرة 18، اللى بتشرح صورها إن عسل النحل كان بيخلط بالسمن، ويقلب على النار وبعدين يضاف على الدقيق ويقلب لحد ما يتحول إلى عجينة يسهل تشكيلها، وبعدين يترص على ألواح الإردواز، ويدخل في الأفران، وساعات كانوا يحشو الكحك بالتمر المجفف (العجوة).

في عهد الطولونيين من سنة 868 م لسنة  904م، اتعرف الكحك وانتشر فى عصرهم، وكانوا بيصنعوه في قوالب خاصة مكتوب عليها "كل واشكر"، وأخدت صناعة الكحك مكانة مهمة وأصبحت من أهم مظاهر الاحتفال بعيد الفطر. طريقة تحضير كعك العيد على البارد، طريقة هايلة، حبيت أشارككم الوصفة دي لأنها روعة بجد مكنتش بعترف بالكحك على البارد بس لما جربت غيرت رأيي تماما..الكحك دا بطريقة شيف مصري اسمه أحمد القاضي، تعالوا نعملها سوا.

طريقة تحضير كعك العيد على البارد:

المكونات:

كيلو دقيق جميع الأغراض=٦كوب.

نصف كيلو سمن+ ٢ملعقة كبيرة ممتلئة.

١/٣ كوب سكر بودره.

١ كوب حليب أو ماء بارد.

واحد و١/٤ ملعقة صغيرة بيكنج بودر.

ملعقة كبيرة خميرة فورية.

٢ ملعقة كبيرة سمسم محمص.

٢ ملعقة صغيرة ريحه الكعك(اختياري)

طريقة التحضير.

 تذوب الخميرة فى الحليب أو الماء البارد وتترك جانبا(سنلاحظ أن الخميرة لا تذوب بشكل كامل في الحليب وهذا طبيعي من برودة الحليب( .

يوضع السمن فى الفريزر نصف ساعة ويقطع ثم يخفق جيدا مع السكر البودرة حتى نحصل على قوام كريمي فاتح.

ثم يضاف الدقيق المنخول مع ريحه الكعك والبيكنج والسمسم ويضربوا حتى يختفي الدقيق ويصبح الخليط ناعما.

تضاف الخميرة المذوبة في الحليب أو الماء للدقيق ونخلط باليد حتى يتجانس ويلم العجين وبدون عجن.

العجين لا يحتاج للتخمير.

يشكل العجين على شكل كور وتوضع في البصامة أو تنقش بالمنقاش الذى تفضلوه ويوضع على صينية بورق زبدة.

يخبز الكعك بعد تشكيله بدون تركه يرتاح في الصينية.

يخبز في فرن محمى على ١٨٠ ° م  لمدة  ٢٠ دقيقة حتى يأخذ لونا ذهبيا خفيفا من تحت ولا يحمر الوجه.

يترك الكعك يبرد بدون تغطية تماما ليلة كاملة ثم يحفظ في علب محكمة الغلق.

يرش الكعك عند التقديم بالسكر البودرة.

طريقة تحضير كعك العيد على البارد طريقة مش منتشرة أوى بس اللى بيجربها بيحب النتيجة بتاعتها جدا، جربوها وقولوا لنا رأيكم على صفحتنا الرسمية على الفيسبوك.