الجمبرى أكلة مغذية جدا، سريعة التحضير جدا جدا، مليانة فسفور وكوليسترول، هى طبعا أكلة مُكلفة، لكن أكيد احنا مش هنعملها كل يوم.. من مميزات الجمبرى بالنسبة لست البيت، إنه بيتحضر فى السريع جدا، يعنى 4 دقايق على النار ومنها على المعدة علطول، طبعا ده لو مش ناويين نعمل فيه أى حركات أو افتكاسات، أما وصفتنا النهاردة فهى جمبرى محطوط عليه صوص اشتهر فى مصر باسم صوص الديناميت، طعمه جميل وحار فى نفس ذات الوقت، يلا نتعرف على طريقة تحضير الصوص والجمبرى.

طريقة تحضير جمبري ديناميت:

المكونات:

صوص الديناميت:

نصف كوب مايونيز "عبارة عن خليط كالآتى: ربع مايونيز شيلى صوص + ربع مايونيز ثوم"

2 ملعقة كبيرة سويت اند ساور

ملعقة صغيرة خل أبيض

ملعقة كبيرة زيت زيتون أو أى زيت نباتي

5 ملعقة كبيرة صوص حار

ملعقة صغيرة عسل أبيض

لتحضير الجمبري:

نصف كيلو جمبرى

ملعقة كبيرة دقيق

2 ملعقة كبيرة نشا

بيضة مخفوقة

ملعقة صغيرة صويا صوص

رشة ملح + رشة فلفل أسود + رشة زنجبيل بودرة

زيت للقلى

طريقة التحضير.

في طبق عميق مُناسب، نخلط كل مكونات صوص الديناميت ونُقلبها جيدا بواسطة ملعقة خشبية أو بالمضرب اليدوي، حتى تختلط وتتجانس تماما مع بعضها البعض.

في طبق عميق، نخلط الدقيق والبيض مع النشا والملح والفلفل والزنجبيل والصويا صوص، ثم نُقلب جميع المكونات جيدا مع بعضها حتى نحصل على قوام متجانس ومتماسك.

نضع الجمبرى في طبق الخليط الذى سبق تحضيره، ثم نقوم بتحميره في الزيت الساخن، حيث يستغرق قلى الجمبرى مدة 4 دقائق فقط، دقيقتان لكل وجه.

نستخرج الجمبرى بعد القلى ونضعه على ورق المطبخ لامتصاص الزيت الزائد، ثم نضعه في طبق تقديم مناسب، ونقوم بوضع صوص الديناميت على حبات الجمبرى بحيث تغمره من جميع الجوانب، ويقدم مع قطع الخس أو الكرنب الأبيض.

لو حبيتوا وصفتنا، ادخلوا اكتبوا لنا تعليق عليها على الويب سايت بتاعنا، أو على صفحتنا الرسمية على الفيسبوك، ممكن كمان لو عندكم أسئلة تخص الوصفة تفتحوا الرابط ده وتسألوا صاحبة الوصفة وهى هتجاوب علي أسئلتكم.. وبالهنا.