ساعات بيجى حد من أفراد أسرتك يطلب منك تعملى له أكلة بيحبها، وساعات لما بيطلب الأكلة دى بتكونى انتى أصلا متعرفيهاشلا، أو تعرفيها بس معملتيهاش قبل كده.. ده بالظبط اللى حصل معايا أنا وإسراء أختى لما دخلت عليا فى يوم وقالت لى: "اعملى لى سلطة يونانى"!

أنا كنت أعرفها وأكلتها فى مطاعم كتيرة، بس الصراحة لما إسراء أختى طلبتها منى مكنش سبق لى وعملتها فى البيت قبل كده.

ساعات الواحدة بتخاف وبترتبك لما حد يطلب منها تعمل صنف معملتهوش، بنخاف يبوظ مننا ويبقى شكلنا بايخ؛ بس الصراحة اللى أهم من إننا نخاف الأكلة تبوظ مننا، إننا نفكر إننا لو عملناها حلو واهتمينا أكيد هتنجح والكل يكون مبسوط؟

بدأت أفكر ازاى هعمل السلطة اليونانى لإسراء؟! مفيش غير حل واحد.. أدخل أذاكر مكوناتها وطريقة تحضيرها من على النت! النت بالنسبة لنا كلنا بقت حل سحرى لمواضيع كتير فى حياتنا، من ضمنها الأكل والطبخ.. واحنا فى العربية أو جوا المطبخ، أو حتى على السرير ممكن نتعلم اللى نفسنا فيه، ومش بس كده، لأ­، وكمان مع الشخص اللى مقتنعين إنه بيعلمنا كويس، وناخد الدرس بالمجان بضغطة زرار، ونرجع نعمل عليه مراجعة عشرات المرات، لو نسينا حاجة فيه. 

ولأن السلطة اليونانية ليها مدارس كتير، ولأنى اتعلمت أعملها من صفحات أجنبية، فقررت أعملها معاكم وعشانكم وأقدمها بصورة سهلة باللغة العربية عشان محدش يتعب كتير فى ترجمة أو يمل من سماع حاجة من المكونات ميفهمش هى إيه.ها عبارة عن: طماطم وخيار، وزيتون يونانى أسود، وقطع الجبنة الفيتا وشرائح البصل الأحمر، يُضاف ليها صوص التتبيل اللى بيكون الزعتر مكون أساسى فيه، وهى معروفة فى اليونان باسم Horiatiki، أما السلطة اليونانية اللى مشهورة فى العالم كله حاليا، دخل عليها بعض الإضافات، وهو الخس أو المُسمى باللغة الإنجليزية Lettuce .

يعتز اليونانيون أن أول ظهور لجبنة "فيتا" كان في أيام الإمبراطورية البيزنطية. وتحديداً في جزيرة "كريت" اليونانية، التابعة آنذاك لتلك الإمبراطورية. ومنها انتشر إنتاجها في بلاد البلقان وإيطاليا وغيرها من مناطق العالم. وأتت الإشكالية من انتشار إنتاجها، وانتشار حب الناس لها في العالم. ولأن أهالي الدنمارك، المتخصصون في الحليب ومشتقات الألبان، يفتقدون إلى كثرة توفر حليب الخراف، ويتوفر لديهم حليب الأبقار، فإنهم لجأوا إلى إنتاج جبة "فيتا" باستخدام حليب الأبقار. وهذا الأمر أثار حفيظة اليونانيين لأنهم يرون أن أي جبنة بيضاء غير منتجة من حليب الخراف لا تُعتبر "فيتا". ونشب الصراع بين اليونانيين والدنماركيين، وهو ما وصفته مصادر الإتحاد الأوروبي في حيثيات قرارها الحاسم بأنه "صراع طويل". وفي عام 2002 حسمت هيئة "حماية إشهار المصدر"، التابعة للاتحاد الأوروبي، قرارها الشهير حول تعريف جبنة “فيتا”، بأنها الجبنة البيضاء المالحة والمنتجة من حليب الخراف بنسبة 75%، والباقي من حليب الماعز. وما عدا ذلك لا يُعتبر، ضمن دول الاتحاد، جبنة "فيتا"، وبالتالي ظهر مصطلح جبنة الأبقار الدنماركية البيضاء.

طريقة عمل السلطة اليونانية

المكونات:

طماطم شيرى

2 حبة خيار

زيتون أسود

شرائح بصل أحمر
قطع جبنة فيتا
1 قطعة خس بلدى

مكونات الصوص الخاص بالسلطة: dressing
زعتر ناشف
خل أحمر
زيت زيتون
 2فص توم مفروم
ملح + فلفل أسود

طريقة التحضير:

تُخلط مكونات الصوص مع بعضها بإضافة ملعقة طعام خل أحمر و 3 ملاعق طعام زيت زيتون وربع ملعقة شاى زعتر وفصين توم مفروم وربع ملعقة شاى ملح وربع ملعقة شاى فلفل أسود مطحون، فى طبق ويتم تقليب المكونات جيدا حتى تمام امتزاجها ببعضها البعض، ثم تترك جانبا.

للسلطة : يتم تقطيع  قطعة الخس في صورة شرائح عريضة متساوية مع تقطيع  حبات الخيار بعد نزع قلب الخيارة، وتقطيع ربع كيلو طماطم شيرى.

يُضاف الزيتون وقطع الجبنة الفتا حسب الرغبة، وتضاف شرائح البصل الأحمر، وتُقلب جميع المكونات مع بعض أثناء وضع الصوص ليتم تغلغله في جميع مكونات السلطة.

يتم تزيين طبق السلطة اليونانية برش الزعتر الناشف عليها، وتُقدم السلطة مع الخبز المحمص.