فى يوم بيعدى، ويوم تانى بنكون مش عايزينه يعدى من حلاوته، الأكل زى الأيام أكلة بنكون عايزنها تخلص ونخلص منها، وأكلة بنتمنى إنها متخلصش أبداً من كتر حلاوتها. والأكلة الحلوة بتسيب علامة فى الذاكرة، والذاكرة مش بس معدة، الذاكرة عيون بتشوف الأكلة وطريقة تقديمها، وأنف بتشم ريحتها، وفم بيتذكر الطعم كويس.

البطاطس (البطاطا) من أشهر المأكولات وأكثرها انتشارا فى العالم، أولا لأنها متوفرة، وثانيا لأنها بتتعمل مليون صنف، وثالثا لأن طعمها جميل. والبطاطس أصلا مأخوذة من كلمة أسبانية اسمها Patata، وعشان كده تلاقى إن أغلب دول الشمال الإفريقى ودول الشام وسوريا بيقولوا نفس الاسم الأسبانى (بطاطا)، أما احنا فى مصر بنقولها بطاطس زى الأتراك ما بيقولوا عليها Patates، والأتراك أصلا أخدوا الكلمة دى (بطاطس) من اللغة اليونانية patátes.

هنلاقى فى وصفات كتير للبطاطس، خصوصا فى الدول الغربية، إنها بتتعمل وتتقدم بقشرتها، وده لأن القشرة بتحتوى على نسب عالية من الكالسيوم والفوسفور والحديد، اللى بتفيد الجسم جدا، وكمان القشرة بتحتوى على مواد مضادة للسرطان، بالنسبة لى بفضل نزع القشرة فى أى وصفة من وصفات البطاطس مهما كانت فوايدها، لأن محاصيل كتير عندنا بتتعرض للرش بمواد كيميائية، وأكتر حاجة بتاخد المواد دى بتكون القشرة، فيستحسن ننزع القشرة قبل ما نستخدمها فى أى وصفة من وصفاتنا.

البطاطس من مميزاتها إنها تنفع فى شتا أو صيف، موجودة معانا طول السنة، وخصوصا فى أوقات الزنقة، يعنى أسهل حاجة لو مش قادرة تطبخى إنك تحمرى شوية بطاطس أو حتى تسلقيهم وبالعيش البلدى الجميل بتاعنا وبالهنا والشفا. بس احنا النهاردة هنعمل معاكم صينية البطاطس باللحمة المفرومة اللذيذة، اعمليها معانا واستمتعى بالطعم الجميل.

وصفتنا النهاردة جراتان البطاطس واللحمة المفرومة والحبوب، وصفة من المطبخ الفرنسى، وصفة شهية جدا جدا جدا، وطريقة تحضيرها مش محتاجة شطارة، هى طبقات كده زى المكرونة بالبشاميل، مع اختلاف الطبقات، بدل المكرونة بتبقى بطاطس! أول مرة أكلت فيها الجراتان كانت فى عزومة فى بيت قرايب جوز أختى فى اسكندرية، كنا فى رمضان، وكانت السفرة مليانة أشكال وألوان من الأصناف، لكن سبحان الله، الصنف ده علق معايا جامد وفضلت آكل منه طول وقت الفطار لحد ما تقريبا خلصت الطاجن. تعالوا نتعرف على طريقة تحضيرها.

طريقة تحضير جراتان البطاطس واللحم المفروم:

المكونات:

أولا: طبقة البطاطس واللحم المفروم.

4 حبات بطاطس (بطاطا) متوسطة الحجم

1/2 كيلو لحم مفروم

1 حبة بصل أبيض مُقطعة شرائح

2 فص ثوم مُقطع شرائح

1/2 لتر زيت للقلى

2 ملعقة طعام زيت زيتون

ملح

فلفل أسود مطحون

زعتر جاف

50 جرام جبن موتزاريلا

50 جرام جبن شيدر أصفر مبشور

100 جرام حبوب مشكلة (بازلاء، فاصوليا بيضاء، فاصوليا حمراء، ذرة حلوة)

ثانياً: مكونات البشاميل :

3 ملاعق طعام زبدة سايحة

3 ملاعق طعام دقيق (طحين)

لبن 
ملح + فلفل أسود مطحون

طريقة التحضير:

يتم تحضير اللحم المفروم بوضع زيت الزيتون في وعاء ساخن، ثم نُضيف البصلة المفرومة ويتم تحميرها حتى تصل للون الذهبى الفاتح ، ثم نُضيف الثوم المفروم ونقلب جيدا حتى يصفر قليلا.

نُضيف بعد ذلك، الملح والفلفل الأسود والزعتر إلى البصل والثوم، ونقلب جيدا.

نُضيف اللحم المفروم، ويُترك على نار متوسطة إلى هادئة. 

يُراعى متابعة اللحم المفروم حتى لا يجف ماؤه ويحترق، فإذا قلت نسبة السائل المُستخرج منه بفعل الحرارة، نُضيف إليه القليل من الماء (حوالى نصف كوب)، ونقلب جيدا، ثم نتركه على النار الهادئة ليصل للتسوية الكاملة.

لتحضير البطاطس (البطاطا)، نقوم بتقشير القشرة الخارجية لها، ثم نغسلها جيدا بالماء ونجففها.

تُقطع حبات البطاطس على شكل دوائر، بحيث تكون متساوية فى الشكل والسُمك.

فى مقلاة عميقة، نضع زيت القلى ونقوم بتسخينه، ثم نبدأ فى قلى شرائح البطاطس، ونُراعى أن يكون القلى غير كامل، لأن البطاطس سوف تستكمل تسويتها داخل الفرن.

بعد قلى البطاطس، وتغير لونها للون الأصفر الذهبى، نستخرجها من الزيت ونضعها على ورق المطبخ أو على شبك ضيق، للتخلص من الزيت الزائد، وتترك لتبرد.

نبدأ بعدها فى تحضير البشاميل، يتم وضع الزبدة فى وعاء ويضاف إليها الدقيق (الطحين)، ثم يتم خلطهما سوياً حتى تمام الامتزاج، بحيث يتحول لون الدقيق (الطحين) إلى اللون الذهبى الفاتح. يُضاف اللبن تدريجياً مع التقليب المستمر حتى نحصل على قوام لبانى متماسك ثم يضاف الملح والفلفل.

يتم تسخين الفرن على درجة 180°م، لمدة ربع ساعة؛ وأثناء تسخين الفرن نبدأ فى رص قطع البطاطس المُحمرة، حيث نقوم بدهان الصينية البايركس المناسبة بالزبدة ثم نقوم بوضع شرائح البطاطس فى قاع الصينية، ونرش عليها القليل من الملح والفلفل.

نقوم بعدها بعمل الطبقة الثانية بتوزيع اللحم المفروم فوق شرائح البطاطس بحيث يُغطى طبقة البطاطس بالكامل وبشكل متساوٍ.

يلى ذلك رص طبقة الحبوب المُشكلة من البازلاء والذرة الحلوة والفاصوليا الحمراء، ثم نرص طبقة أخرى من شرائح البطاطس، بحيث تغطى الطبقة الأسف منها بالكامل، ثم نبدأ فى توزيع طبقة البشاميل على طبقة البطاطس الثانية بحيث تُفرد على وجه صينية البايركس بالكامل وبشكل يُغطى الطبقات أسفلها، يلى ذلك رش الجبنة الشيدر والموتزاريلا على وجه البايركس.

نُدخل الصينية البايركس إلى الفرن الذى سبق تسخينه، على الرف السفلى، لمدة ربع ساعة، ثم نقوم بخفض درجة حرارة الفرن إلى 150°م، ثم نترك الصينية بالفرن، لمدة ربع ساعة أخرى، بعدها نغلق الفرن ونفتح الشواية، ونضع الصينية أسفل الشواية مدة 5 دقائق ليحمر وجهها.

نستخرج الصينية من الفرن، وتترك قليلا لتبرد ثم تُقَّطع على شكل مكعبات وتُقدم.

يُمكن عمل نفس الوصفة بنفس الخطوات السابقة، ولكن بعمل البطاطس بيورييه ، أى بأن تكون طبقة البطاطس مهروسة وليست على شكل شرائح بطاطس مُحمرة، وفى هذه الحالة توضع طبقة البطاطس المهروسة أسفل الصينية ثم طبقة اللحم المفروم والحبوب، ثم طبقة البشاميل وأخيرا طبقة الجبن، ونتبع نفس الخطوات السابقة بالتفصيل.

بنتمنى تكون وصفتنا سهلة، فى الفهم والتنفيذ، جربوها واستمتعوا بالطعم الفرنسى الجميل!