كتير مننا احنا البنات والستات مبنحبش ندخل المطبخ.. فى حاجز نفسى غريب كده بيننا وبينه.. ممكن يكون دلع، ممكن تكون الواحدة فينا بتقرف من منظر الدم بتاع اللحمة، أو الزفار اللى فى الفراخ والسمك، وساعات بيبقى معندهاش ثقة فى إنها تعرف تعمل أكل يعجب الناس.. قصص كتيرة بتبعد بين البنات والستات وبين المطبخ... بس بالرغم من كل الأسباب دى وغيرها، احنا لازم ييجى علينا يوم وندخل المطبخ، بجوازة بقى، بسفر وغربة، بأى سبب من الأسباب، وعشان اليوم ده مسيره ييجى، فاحنا لازم نستعد، ويكون الاستعداد ده عن رغبة حقيقية ولو حتى مكنش عندنا لسه كفاءة تسمح لنا بالمغامرة دى.

عارفين قصة "كفاية شرف المحاولة"، أهو الدخلة الأولى للمطبخ تدخل تحت الشعار ده، "شرف المحاولة"، فى حاجات كتير وتجارب كتير فى حياتنا مش بتنجح من أول ولا عاشر مرة، بتحتاج محاولة و100 لحد ما تظبط، المهم الرغبة والإرادة.. والمطبخ مينفعش من غير رغبة، إنى أنا لوحدى عايزة أعرف كويس فى الأكل واتعلم أعمل لنفسى أولا، وبعدين للى بحبهم، أكل بيتى جميل ونضيف... اللقمة البيتى متعوضهاش أى أكلة تانية ولو كانت من أعظم شيفات العالم، عارفين ليه؟ لأنها بأنفاسك أنتِ J

احنا فى المدونة عندنا هدف، إننا نعمل بإيدينا أكلات كتير من كل حتة فى العالم، نعملها معاكم عشان نسهل دخول المطبخ ونكسر الحاجز النفسى اللى بيمنعك من الطبخ.. والنهاردة هنقدم لكم وجبة مصرية جدا، ومحبوبة جدا، وبتتقدم كتير على سفرتنا المصرية، وخصوصا فى العيد الكبير... الممبار وما أدراكم ما الممبار J

الممبار معروف بأسماء تانية زى الفوارغ وفي سوريا بـ "القباوات" أو "السندوانات" وهي أمعاء الخروف المحشية بالأرز، وبتختلف الحشوة دى من بلد للتانى، ويبقى الأرز المكون الأساسي للحشوة فى كل البلاد اللى بتعمله. الممبار يعتبر أكلة مشبعة جدا وبعتبرها كتير من البسطاء بديل عن اللحوم.

مهم جدا قبل ما نتكلم عن مكونات وطريقة تحضير الممبار، إننا نأكد على ضرورة غسل الأمعاء غسل ممتاز، بالميه والملح والخل، وإن التنضيف لازم يكون ممتاز، عشان نتجنب وجود أى بقايا فى الأمعاء، هتتسب بوجود بكتيريا ضارة مؤذية لصحة وسلامة اللى بياكل.

المكونات:

كيلو ممبار

3 أكواب أرز مصرى 
بصلة مقطعة أجزاء صغيرة 
شبت مقطع صغير 
بقدونس مقطع صغير 
كسبرة خضراء مقطعة صغير 

3 ملعقة شاى ملح

1/4 ملعقة شاى فلفل

1/4 ملعقة شاى كمون

1/4 ملعقة شاى زنجبيل بودرة

 1/4 ملعقة شاى ثوم بودرة

2 ملعقة معجون طماطم

4 ملعقة عصير الطماطم 
فلفل أحمر حار " حسب الرغبة " 

4 ملعقة زيت نباتى

طريقة التحضير:

أولاً: التنظيف

يتم نزع كافة أنواع الدهون الموجود بالأمعاء، ثم تُغسل الامعاء جيدا من الداخل والخارج.

فى وعاء بلاستيك كبير، تُوضع كل الأمعاء وتبدأ مرحلة التنظيف باستخدام السكين، بحيث تعمل السكين على نزع كل الشوائب الملتصقة بالأمعاء، ويُراعى أن تتم هذه العملية بحرص شديد، حتى لا تتسب فى قطع الأمعاء.

يتم شفط الأمعاء مرة أخرى تحت الصنبور، ويستمر الشفط بالماء الجارى من الداخل والخارج.

تُوضع بعدها الأمعاء فى وعاء كبير يحتوى على كمية كبيرة من الملح "حوالى ربع كيلو"، وكمية كبيرة من الخل "نصف لتر"، وتُترك الأمعاء بالوعاء فترة ساعة أو اثنين، حتى تخرج كل أنواع المخاط والشوائب المتبقة بها وتتفكك داخل الماء.

تُستخرج الأمعاء من الوعاء وتُشفط جيدا بالماء الجارى، ثم تُشطف مرة أخرى باستخدام الماء مع القليل من الدقيق (الطحين) للتأكد من تمام زوال أى بقايا، ثم تُشطف مرة أخيرة بالماء.

يتم تقطيع الأمعاء حسب الشكل المطلوب للحشو.

ثانياً: الحشو.

يتم غسل الأرز جيدا ويترك ليتخلص من الماء الزائد.

تُوضع على الأرز كمية التوابل والخضرة المذكورة والزيت، وتُخلط جيدا مع الأرز.

تبدأ عملية حشو الممبار بأصابع اليدين، ويُراعى أن يتم توزيع الحشوة فى كافة أجزاء الممبار، مع عدم وضع كمية كبيرة من الحشوة، حتى لا تتنفخ الأمعاء أثناء القلى وتتقطع وتتساقط منها الحشوة. يُراعى كذلك ترك أطراف الأمعاء من الاتجاهين بدون حشو، حتى تأخد الحشوة حريتها فى الحركة وتتوزع بشكل جيد فى الفراغ الموجود أثناء عملية السلق.

فى وعاء به كمية مناسبة من الماء "كمية تكفى لتغطية سطح الممبار"، يُوضع الماء على النار المتوسطة حتى يصل لدرجة الغليان، ثم نبدأ فى إنزال قطع الممبار داخل الماء المغلى.

يترك الممبار على نار متوسطة إلى ضعيفة لمدة ساعة حتى يصل للسواء الكامل.

يُستخرج الممبار أثناء عملية غلى الماء بعد ساعة، ويُراعى عدم أطفاء النار الخاصة بالغلى، حتى لا يتسبب إخراج الممبار من ماء غير مغلى، فى تفككه وخروج الحشوة منه.

يوضع الممبار فى مصفاة للتخلص من الماء الزائد ويترك حتى يبرد.

فى وعاء، يتم تسخين كمية من الزيت، ثم يتم تحمير قطع الممبار بها، ويُراعى أن يتم التحمير من جميع الجهات.

يُقدم الممبار مع البقدونس وبالهناء