من الحلويات الشامية الرائعة فى شكلها والأروع وأجمل فى طعمها، حلوى عيش السرايا.. هى جميعت بين السهولة فى التحضير والجمال فى الطعم، وتقدرى تقدميها فى العزومات هتبقى وصفة مختلفة ومميزة، وأهم حاجة مش هتاخد معاكى وقت. لو عاوزين تعرفوا السعرات الحرارية الموجودة فى الوصفة دى، افتحوا الرابط ده

طريقة تحضير عيش السرايا بالسميد:

المكونات:

١  و ١/٤ كوب سكر

٢كوب ماء.

١كوب دقيق سميد خشن.

١ملعقة كبيرة ماء ورد.

قشطة قيمر أو القشطة الطازجة.

ملون طعام برتقالي(اختياري).

فستق للتزيين.

طريقة التحضير:

يوضع السكر على النار حتى يذوب ويصبح لونه ذهبيا ثم يضاف له الماء.

يقلبوا مع بعض حتى يذوب السكر المتكرمل تماما في الماء.

يضاف ملعقة ماء الورد ورشة صغيرة من ملون الطعام ويضاف دقيق السميد ويقلب حتى يصبح الخليط سميكا.

يرفع الخليط من على النار ويفرد على شكل مستطيل على ورق زبدة أو كلينج فيلم.

يترك ليبرد قليلا ثم تضاف القشطة على طرف المستطيل بعيدا عن الأطراف.

يلف شكل الرول بالاستعانة بورق الزبدة ونغلقه من الجانبين ويوضع في الثلاجة يبرد ويتماسك قليلا.

ثم يزين بالفستق ويقطع، وألف هنا وشفا.

نتمنى تكون الوصفة عجبتكم.. جربوها لأنها لذيذة جدا.. ولو عاوزين تشوفوا البوست الأصلى للوصفة، افتحوا الرابط ده.