اطلبوا العلم ولو بالصين... الصناعة الصينى اللى قدرت تكتسح العالم وتعدل من مستوى الجودة بتاعها عشان ترتفع بيه للمستويات العالمية وتاخد أشهر وأكبر التوكيلات وتنتجها، مش غريب عليها أبدا إنها تكون بنفس القوة والجودة فى المطبخ بتاعها.. الصين ليها طابع خاص ومميز جدا فى وصفات الأكلات بتاعتها، طابع آسيوى مثير جدا وفريد فى كل تفاصيله، لما تقول أكل صينى يعنى حار جدا أو حلو وحامض، أو مليان بالمأكولات البحرية أو مفعم بحيوية الخضراوات والفيتامينات، والنهاردة بنقدم فاتح شهية جميل ولذيذ وسريع التحضير من بلاد الصين الجميلة، وهو سبرنج رولز، أو لفائف الصيف!

قبل ما تنتشر المحلات الكبيرة فى مصر، وكمان فى دول الوطن العربى، كان فى أصناف كتيرة صعب نلاقيها، وبالتالى وصفات صعب نعملها فى بيوتنا بنفسنا، كان لازم ننزل للمطاعم عشان ناكلها ونستمتع بطعمها، لكن بعد الانتشار الواسع والكبير لمحلات بيع مستلزمات الأكل والفواكه والخضراوات واللحوم، بقى فى تنوع كبير بيسمح إننا لما نتخيل أى مكون لأى وصفة من أى بلد، إننا فعلا نلاقيه فى أسواقنا المحلية وبجودة عالية كمان، ده بقى فرصة رائعة لكل السيدات والبنات عشان تجرب كل اللى نفسها فيه، وتعمله بإيدها فى بيتها بسهولة وجمال.

المطاعم الصينى حققت نجاح واسع المدى فى كل دول العالم، وانتشرت بشكل كبير فى دول الوطن العربى، وبتتميز بإنها بتقدم وجبات كتيرة جدا بشكل بسيط وسريع، من أجمل طرق التقديم اللى شفتها، العلب الكرتون الملقة بدبابيس، عجبنى إنها ممكن تفضل علبة كرتون الواحد ياكل وجبته على السريع وهو بيتمشى، وممكن جدا تتحول لطبق كرتون، لو الواحد مش مستعجل وناوى يقعد ياخد وجبته على ترابيزة، بيفتح الدبابيس اللى فى العلبة وتتحول بسهول على شكل طبق مفتوح، والأجمل من كل ده إن ده بيسهل على عمال النظافة، لأن بمجرد ما نخلص أكل بنتخلص من العلب الكرتون برميها فى سلة القُمامة.. ده المُفترض يعنى، واللى يا ريت نلتزم بيه لأن فى أقل من دقيقة بنوفر على عمال نظافة بيتعبوا جدا فى أعمالهم وبتكون غالبا رواتبهم ضعيفة جدا، وناخد ثواب ونحقق مبدأ "النظافة من الإيمان"!

طريقة تحضير سبرنج رولز بالسبانج والجبن

المكونات: 
عبوة رقائق سبرنج رولز الجاهزة

120 جرام سبانج طازجة
 بصلة صغيرة مفرومة

2 فص ثوم مفروم
2 ملعقة شاى ملح

1 ملعقة شاى فلفل أسود مطحون

بيضة مخفوقة

100 جرام جبنة فيتا

100 جرام جبنة موتزاريلا

زيت نباتى للقلى

ورق مطبخ

طريقة التحضير:

نقوم بغسل السبانخ جيدا بالماء ثم نقوم بتصفيتها تماما من الماء الزائد بعد عملية الغسيل.

فى وعاء عميق مناسب، نضع البصل المفروم والثوم ونقوم بتحميره حتى يأخذ اللون الأصفر، ثم نضيف السبانخ والتوابل "الملح والفلفل" إلى السبانخ داخل الوعاء، ونُقلب المكونات جيدا، ونترك السبانخ على نار هادئة، لمدة 4 دقائق مع التقليب المستمر.

نرفع السبانخ من على النار، ونقوم بصفيتها فى مصفاة مُناسبة، حتى نتخلص من السوائل الزائدة الموجودة بها، ثم نضعها على الأورمة ونقوم بتقطعيها إلى أجزاء صغيرة ومتساوية فى الحجم.

بعد تقطيعها، نقوم بإضافة الجبنة الفيتا والجبنة الموتزاريلا إلى السبانخ، ونخلط جميع المكونات جيدا بواسطة ملعقة مناسبة.

نبدأ فى تحضير رقائق سبرنج رولز، وذلك بدهان قلبها بالبيض المخفوق، ثم نبدأ فى حشو كل واحدة من الرقائق بحشوة السبانخ والجبن التى قمنا بإعدادها مسبقا، ثم نبدأ فى لف كل واحدة من الرقائق على شكل اسطوانى وندهن الأطراف "الجنبين" بمخفوق البيض ونضغط عليهما بأطراف أصابع اليد حتى تصبح مُغلقة جيدا.

نُكرر الخطوة السابقة مع كل رقائق السبرنج رولز، حتى ننتهى من إعداد وحشو الكمية بالكامل.

فى مقلاة عميقة مناسبة Wok، نقوم بتسخين زيت القلى، وبعد فترة التسخين، نقوم بتحمير رقائق سبرنج رولز المحشوة بالسبانخ والجبن، ونُقلبها على جميع الاتجاهات على تصل إلى اللون الأصفر الذهبى الجميل، ثم نستخرجها ونضعا على ورق المطبخ لتمتص الزيت الزائد.

تزين أصابع سبرنج رولز بالبقدونس الأخضر الطازج وتُقدم مع صوص الكاتشاب أو أى صوص تفضلونه.

يُمكن عمل نفس الوصفة بحشوات مختلفة، سواء باللحم المفروم أو شرائح الدجاج أو الخضار.

جربوا وصفتنا، سبرنج رولز بالسبانخ والجبنة، كفاتح شهية رائع وسهل ولذيذ، وقولوا لنا حلوة ظبطت معاكم والا إيه.. وبالهنا والشفا إن شاء الله