لما العالم انفتح معلوماتيا على بعضه، اتعرفنا اكتر واكتر على مطابخ العالم، وانفتحنا على وصفات جميع المطابخ، وشفنا وتذوقنا أطعمة كتيرة مميزة وغنية وشهية... من المطابخ اللى ليها طابع مميز وغنى جدا، المطبخ الإسباني، الحقيقة هو بيتميز بعدد كبير جدا من الوصفات، اللى فيها طابع شرقي من ناحية، والموفرة من ناحية تانية.. من الوصفات دى وصفة تورتيا البطاطس، أو عجة البطاطس، وصفة سهلة التحضير وسريعة، وموفرة، ممكن جدا ست البيت أو المرأة العاملة، تحضرها كوجبة عدا سريعة، لما الميزانية تخرم منها، أو لو كانت راجعة تعبانة ومرهقة من شغلها.. عجة البطاطس مش محتاجة غير شوية بطاطس وكام بيضة، وقطعة بصل، ونخلط دول مع دول في طاسة سخنة على النار وبالهنا والسعادة.

طبعا من العناصر أو المكونات الأساسية جدا فى المطبخ الإسباني، زيت الزيتون، لأن إسبانيا بتتصدر العالم فى إنتاجها الغزير من زيت الزيتون بمختلف أنواعه، واللى بسبب غزارة إنتاجها منه، بنلاقيه داخل تقريبا فى أغلب وصفات الطبخ الإسبانية، ده إن مكنش كلها. الإحصائيات بتأكد إن إسبانيا بتزرع 215 مليون شجرة زيتون على مساحة حوالي 2 مليون هكتار، والرقم ده بيعادل تقريبا 27% من إجمالي الإنتاج العالمي. زيت الزيتون له فوائد عظيمة على جسم وصحة الإنسان، زى إنه يعتبر من المضادات الحيوية ومضادات الفيروسات، وله فوائد عظيمة في تقوية المناعة للجهاز الهضمي، لو تحبوا تتعرفوا على باقي الفوائد الخاصة بزيت الزيتون اضغط هنــــــا

طريقة تحضير عجة البطاطس "التورتيا الإسبانية":

المكونات:
1/4 لتر زيت زيتون بكر
بصلة مُقطعة شرائح

2 حبة بطاطس متوسطة الحجم

4 بيضات طازجة

1/2 ملعقة شاى ملح

1/4 ملعقة شاى فلفل أسود مطحون

طريقة التحضير:

في مقلاة مُناسبة، نضع زيت الزيتون، وعلى نار متوسطة نضيف البصل بعد تقطيعه إلى شرائح "جوليان"، ونقلب شرائح البصل جيدا حتى نحصل على لون أصفر فاتح "كرملة البصل".

نقوم بتقطيع البطاطس إلى شرائح لا رفيع ولا سميكة، حتى يسهل تسويتها بسرعة، ثم نقوم بإضافة شرائح البطاطس إلى البصل، ونتركه على النار لمدة من 5-10 دقائق مع مراعاة تقليبه على جميع الجهات حتى يصل للتسوية من جميع الجوانب.

في طبق عميق، نقوم بوضع البيضات الأربع، ويُراعى عدم خفقها بالمضرب، أو بالشوكة، ثم نرفع شرائح البصل والبطاطس من على النار ونضعها فوق البيض، ثم نقوم بتتبيل البطاطس بالملح والبيض بالفلفل الأسود.

باستخدام ملعقة خشبية مُناسبة، نبدأ في خلط البيض مع شرائح البصل والبطاطس، ثم نقوم بتغطية الطبق بقطعة من ورق الفويل، لمدة ربع ساعة، حتى يحصل التجانس الكامل بين المكونات وتمتزج تمام الامتزاج.

نرفع ورقة الفويل من فوق الطبق، ونبدأ في عملية تسوية عجة البطاطس.

في مقلاة غير قابلة للالتصاق، نضع القليل من زيت الزيتون البكر، وعلى نار متوسطة، نبدأ في سكب الخليط من الطبق إلى المقلاة، ونتأكد من توزيع الخليط في المقلاة بحيث يكون متساويا من جميع جوانبها.

نترك الخليط على النار فترة حوالى من 7-10 دقائق، ثم نُحضر طبقا مساحته أكبر من مساحة المقلاة، ونقلب قرص العجة عليه، ثم نضعه في المقلاة على الجانب الآخر الذى لم تتم تسويته بعد "افتح رابط الفيديو".

نترك القرص على النار فترة من3-5 دقائق، ويمكن اختبار تسويته بواسطة خلة أسنان، فإذا اخترقت قلب قرص عجة البطاطس بسهولة، وخرجت بدون تعلق البيض النيئ بها دل ذلك على تمام التسوية.

يُرفع قرص عجة البطاطس من فوق النار، ويُقدم في الطبق المانسب.

إيه رأيكم في الوصفة دى؟ اتشجعوا وجربوها وعرفونى رأيكم فيها بصراحة، اعملوها من باب التغيير أو حتى من باب أخد راحة شوية من الطبخ اليومى اللى فيه أرز أو مكرونة مع الخضار واللحمة أو الفراخ.. وبألف هنا.

تقدروا تشوفوا الوصفة فيديو على قناتنا على يوتيوب