ياما بيتبقى مننا قطع فراخ سواء صغيرة أو كبيرة، وياما بتتركن في التلاجة لحد ما تنشف وتترمى عشان محدش بيرضى ياكلها ناشفة.. وساعات كتيرة الفراخ بتكون مشوية أو بانيه أو معمولة بأى طريقة، بس بمجرد ما تبات ليلة واحدة في التلاجة محدش يبقى عاوز ياكلها تانى يوم.. احنا بنقدم فكرة هايلة النهاردة لإعادة استخدام بواقى الفراخ، أو الفراخ البايتة في التلاجة، وبنقدمها في شكل جديد هتعجب كل اللى ياكلها، هنعمل منها كفتة الفراخ بالرز.

طريقة تحضير كفتة الفراخ بالأرز ببواقي الفراخ:

المكونات:

2 كوب بواقي فراخ مفرومة (مشوية أو مسلوقة أو أى شكل)

نصف كوب أرز مطحون

بصلة متوسطة مفرومة

4 فصوص ثوم مفروم

3 ملاعق كبيرة بقدونس وشبت مفرومين

ملعقة كبيرة خل أبيض

4 ملاعق كبيرة زيت

ملح وفلفل وبهارات حسب الرغبة

طريقة التحضير.

في جهاز الكَبَّة، نضع بواقى قطع الدجاج الموجودة، ونُضيف عليها الشبت والبقدونس والتوابل والملح والفلفل والخل والزيت، ونُضيف كذلك البصل والثوم والأرز، ثم نبدأ في عملية خلط وفرم جميع المكونات مع بعضها البعض، حتى نحصل على قوام متجانس.

نستخرج العجين الذى حصلنا عليه، ونبدأ في تشكيله على شكل أصابع كفتة طولية الشكل، أو دائرية حسب الرغبة.

في مقلاة عميقة مناسبة، نضع زيت القلى، ونتركه حتى يسخن، ثم نبدأ في قلى أصابع الكفتة به، ويُراعى تقليب الكفتة أثناء القلى على جميع الجوانب.

من الممكن بعد الانتهاء من عملية تشكيل أصابع الكفتة، أن نقوم برصها على صينية مناسبة الحجم، ونتركها في الفريزر حتى تتجمد، ثم نحفظها في أكياس بلاستيكية لاستخدامها في أوقات أخرى.

 دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.