جربتى تشترى لنفسك لبس جاهز؟! طيب جربتى تعملى لبسك تفصيل؟! أكيد أغلبنا، يمكن كلنا عشنا التجربتين.. شراء اللبس الجاهز، أو تفصيل اللى نفسنا فيه.

اللبس الجاهز عاوز لف ودوران كتير لحد ما تلاقى الحاجة اللى تناسبك فى ذوقها ومقاسها وألوانها، وبعد ما بتشتريها بتلاقى غيرك كتير لابس زيها.

اللبس التفصيل معمول بقماش أنتِ اللى اخترتيه بنفسك، وموديل على مزاجك الخاص، ومقاسات استحالة تلبس حد غيرك.. كل حاجة فى اللبس التفصيل لايقة عليكِ وعلى شخصيتك، واستحالة تلاقى حد تانى لابس زيها.

الأكل زى اللبس، جاهز وتفصيل!! فى أكل اتعمل عشان يأكل ألف أو مليون أو مئات الملايين فى العالم، اتعمل بأيادى مختلفة بس طلع له نفس الشكل، وفى أكل اتعمل تفصيل، بإيدك أنتِ بس، معمول مخصوص عشان يأكلك أنتِ واللى بتحبيهم مش حد تانى.

فرق كبير جدا بين الأكل الجاهز وأكل البيت، لو حبينا نعدد الفروق مش هنخلص، بس كفاية إنه مضمون من أول خطوة فيه لحد ما يدخل المعدة. مفيش حاجة تغنى عن أكل البيت ولا طعامة الأكل اللى اتعمل لينا مش لكل الناس.

وصفتنا النهاردة محشى الكرنب أو الملفوف. أكلة شعبية مشهورة فى الوطن العربى وخصوصاً فى مصر والشام.. أكلة الكل بيحبها وبتتعمل للحبايب خصوصاً لو عندنا عزومة.

محشى الكرنب مش معروف فى منطقتنا العربية بس، لأ ده كمان معروف فى دول البلقان وبعض دول أوروبا وإيران وشمال الصين، بس بيتقدم هناك محشى باللحم المفروم.

محشى الكرنب انتقل من دول الشرق الأوسط لأوروبا فى أوائل القرن 18 عن طريق السويدى تشارلز الثانى عشر، اللى كان منفى فى الشرق الأوسط وقدر إنه يهرب من منفاه ويرجع لبلده ومعاه الوصفة.

 نروح دلوقتى سوا للجد ونتعرف على طريقة عمل محشى كرنب ومكوناته وطريقة تحضيره

طريقة عمل محشى كرنب 

المكونات:

كرنب (ملفوف)، متوسطة الحجم

1 كيلو أرز مصرى

بصلة حجم كبير مفرومة

حزمة بقدونس مفروم

حزمة كزبرة طازجة ومفرومة

حزمة شبت طازج مفرومة

4 ملاعق طعام معجون طماطم

1 لتر عصير طماطم

4 فصوص ثوم مفروم

1/2 ملعقة شاى من التوابل الآتية : فلفل أسود مطحون، بودرة ثوم، بودرة بصل، ببريكا

1/4 ملعقة شاى زنجبيل بودرة

1/4 ملعقة شاى فلفل أحمر حار (شطة) حسب الرغبة

1/2 ملعقة شاى زعتر جاف

1 ملعقة نعناع جاف

1 ملعقة شاى كمون

2 ملاعق شاى ملح

1/2 كوب زيت ذرة

2 ملعقة طعام سمن أو زبدة

شوربة (مرقة) دجاج أو لحم

مكعب مرقة دجاج

طريقة التحضير:

أولاً: سلق الكرنب (الملفوف).

يُقطع الكرنب (الملفوف) وتُنزع عنه رأسه والقلب وجميع الأوراق الذابلة والأوراق الخضراء.

تُغسل الأوراق المقطعة جيدا بالماء.

فى وعاء كبير، نضع كمية من الماء والكمون ونتركها على نار مرتفعة حتى يصل الماء لدرجة السخونة المطلوبة "يصبح الماء ساخنا ولا يصل للغليان".

نضع أوراق الكرنب فى الماء الساخن ونتركه بها فترة حوالى دقيقتين مع تقليب الورق على جميع جهاته حتى يصبح طريا نوعا معا، ويُراعى عدم تركه لفترة أكثر من 3 دقائق فى الماء الساخن حتى لا يصبح طريا جيدا ولا يصلح لعملية الحشو واللف.

نضع ورق الكرنب فى مصفاة ليتخلص من الماء الزائد.

نقوم بإحضار الأوراق الخضراء وسلقها بنفس الطريقة السابقة وذلك ليتم فردها لاحقا فى قاع وعاء الطهى.

يتم تقطيع أوراق الكرنب إلى أجزاء متوسطة إلى صغيرة الحجم، بحيث يتم قطع العروق الموجودة بالأوراق، ثم تقطع الأوراق بالشكل والمطلوب.

شاهد أيضا طريقة محشى الفلفل الألوان والرنجة >>>>> اضغـــــط هنـــــــا

 ثانياً: للحشوة.

فى وعاء، يُوضع الزيت والسمن ويترك الخليط ليسخن.

يتم إضافة البصل والتوابل المخلوطة جيدا، إلى الزيت والسمن الساخن ويُقلب الخليط جيدا لمدة 4 دقائق.

يُضاف بعدها الثوم المفروم، ومكعب مرقة دجاج، وعصير الطماطم ومعجون الطماطم إلى الخليط ويُقلب جيداً.

يتم تغطية الوعاء ويترك فترة 10 دقائق على نار هادئة جدا، حتى تمتزج جميع المكونات وتُعطى السمك المطلوب.

يُضاف الأرز المغسول والمُصفى ويُقلب مع الخليط السابق جيدا ويترك على نار هادئة جدا لمدة 5 دقائق مع التقليب المستمر.

يتم إضافة الخضرة (بقدونس، وشبت، وكزبرة) بعد تقطيعم قطعا صغيرة جدا.

يتم وضع الحشوة داخل أوراق الكرنب ويتم لفه جيدا، ثم تُوضع فى الوعاء، ويُراعى أن يتم فرد أوراق الكرنب الخضراء المسلوقة فى قاع الوعاء.

تبدأ عملية رص أصابع المحشى (الملفوف) بشكل متجانس، ثم تُوضع شوربة الدجاج فى الوعاء بحيث تُغطى محشي الكرنب بالكامل.

يُترك الوعاء على نار هادئة جدا بعد غليان الشوربة، وتوضع الشياطة أسفل الوعاء حتى تمام تسوية المحشى.

يتم اختبار المحشى باستخراج قطعة وتجربتها بالتذوق.