المأكولات البحرية ليها شمخة كده.. تقديرها فى المعدة لا يوصف.. ومقامها فى الفم عالى لفوق.. ده طبعا بالنسبة لمحبى المأكولات البحرية والأسماك.. لأن فى ناس كتير ملهاش فى أكل السمك ومشتملاته.. معرفش ليه.. بس لاحظت إن كل أهل المدن اللى بتطل على البحر، أكلتهم المفضلة السمك والمأكولات البحرية وإنهم بيفضلوها على اللحوم والفراخ، والحال ده منتشر فى كل بلاد العالم.. شوف كده فى مصر، جربوا تزوروا أصحابكم اللى فى السويس أو اسكندرية وخليه يعزمك على الغدا، هقولك بمنتهى الوضوح "عندى ليك غدوة سمك ملهاش حل"، وطبعا بتبقى وهمية من جمالها وحلاوتها!

ولما نقول مأكولات بحرية، يبقى على راس القايمة الجمبرى، وخصوصا لو كان بالحجم الجامبو الكبير بزيادة، الجمبرى مش بيتاكل يا جماعة، الجمبرى بيتأزأز، أو يتنأنأ كده بمزاج رايقة حباية حباية، ومن غير عيش عشان منشبعش منه، وعليه العوض فى الميزانية بقى فى اليوم ده.

الجمبرى مليان فوايد هايلة للجسم ومتنوعة، مع العلم إنه غنى بالكوليسترول وده لازم الناس اللى الكوليسترول عندها عالى تخليها بالها منه ساعة ما تفكر تاكل جمبرى.. لو عاوزين تتعرفوا على فوايد الجمبرى بالتفصيل افتحوا الرابط ده

طريقة تحضير الجمبرى الجامبو المقلى والمقرمش، عايزة مهارة، ونكون عارفين التكات والحركات فين عشان نقدر نعملها أحلى من محلات السمك، وتكون ناجحة معانا جدا، ولما هنعملها فى البيت هنبطل ننزل ناكلها بره، اتعرفوا معانا يلا على أهم التكات اللى هتخلى الجمبرى بتاعكم مقلى ومش شارب زيت كتير ومقرمش جدا جدا.

أسرار تحضير الجمبرى الجامبو المقلى والمقرمش:

الكركم سر اللون الحلو: بعد شطف الجمبرى جيدًا بالماء، يمكنك تتبيلها بخلطة تتكون من: ملعقتين من الثوم المفروم وملعقة من الكركم وملعقة كمون ورشة ملح وعصير ليمونتين، حيث تقلبى كمية الجمبرى فى هذه الخلطة وسيعطى الكركم لها لونا أصفر جميلا.

النشا سر القرمشة: وضع ملعقة كبيرة نشا على الدقيق يغلب على الجمبرى فى محلات السمك القوام المقرمش، والسر هو إضافة ملعقة كبيرة أو أكثر من النشا على الدقيق لأن ذلك من شأنه عمل طبقة ذهبية اللون ومقرمشة جدا.

الغربلة سر القلى الناجح: بعد تغطية الجمبرى بالدقيق بالكامل، يجب استخدام غربال أو مصفاة مناسبة لتصفية بقايا الدقيق مما يساعد على تماسك الخلطة تمامًا

الليمون سر الرائحة الزكية: وضع نصف ليمونة على الزيت بعد تسخينه بدون تقشيرها أو عصرها، لأن ذلك من شأنه أن يكسب الجمبرى طعما لذيذا، ويمنع الرائحة الزفرة من الانتشار فى المنزل.

دى كانت أهم تكات طريقة تحضير الجمبرى الجامبو المقلى والمقرمش احفظوها كويس عشان هى اللى هتفرق معاكم جامد فى نجاح الوصفة.

طريقة تحضير الجمبرى الجامبو المقلى والمقرمش:

المكونات:

كيلو جمبرى جامبو

التتبيلة الداخلية:

1/4 ملعقة شاى ملح أو أكثر قليلا حسب الرغبة

ملعقة طعام كمون مطحون

1/4 ملعقة شاى فلفل أسود مطحون

عصير ليمونة

5 فصوص ثوم مفروم

رشة زنجبيل بودرة

للخلطة الخارجية المقرمشة:

كوب كبير دقيق

2 ملعقة طعام نشا

رشة ثوم بودرة

رشة ملح
ملعقة شاى كركم مطحون

طريقة التحضير:

يتم غسل حبات الجمبرى جيدا بالماء الجارى، ثم تُصفى الحبات من الماء الزائد، ثم نقوم بتقشير قشر الجمبرى الخارجى ونعمل على نزع الرأس، مع تنظيف الجمبرى من سلسلة الظهر أو الخيط الرملى. للتعرف على طريقة تنظيف سلسلة الظهر اضغط على الرابط

فى إناء عميق، نضع توابل التتبيلة الداخلية ونخلطها جيدا مع بعضها البعض بواسطة ملعقة مناسبة، ثم نضيف إليها حبات الجمبرى "الروبيان"، ونُقلب حبات الجمبرى جيدا فى التتبيلة حتى نتأكد من وصول التوابل بالكامل لكل الجمبرى ومن كافة الجهات.

نقوم بتغطية الإناء بالورق الشفاف، ثم نُدخل الإناء فى الثلاجة "البراد" لمدة ساعتين حتى يتشرب التتبيلة جيدا.

قبل أن نُخرج الجمبرى من الثلاجة بحوالى ربع ساعة، نبدأ فى تحضير الخلطة الخارجية، ففى طبق عميق مناسب، نضع الدقيق "الطحين" والنشا، ورشة الملح والثوم البودرة والكركم المطحون، ونقلبهم جيدا مع بعضهم البعض حتى تمام التجانس.

نستخرج الجمبرى من الثلاجة، ونبدأ فى تصفيته من ماء التتبيل، ثم نقوم بوضعه فى الخلطة الخارجية، ونقلبه جيدا فيها، للتأكد من تكسيته من جميع الجوانب.

نعمل على تسخين زيت القلى، حيث نضع كمية غزيرة من زيت القلى، فى وعاء عميق مناسب، ونتركه على نار متوسطة مرتفعة حتى يُصبح ساخنا تماما "يمكن اختبار سخونة الزيت، برش نقطة من الماء واحدة من الماء، فإذا أحدثت صوتا وفقاقيع فهذا يعنى أن الزيت لم يسخن بعد".

بعد أن يُصبح الزيت ساخنا، نبدأ فى قلى حبات الجمبرى، ويُراعى تصفية الحبات من الخلطة الخارجية جيدا حتى يساعد ذلك فى الحصول على نتيجة ممتازة.

نقوم بتخفيض درجة الحرارة إلى متوسطة هادئة قبل إنزال حبات الجمبرى بالزيت، ونُقلب الجمبرى على جميع الجهات للتأكد من تحميره ووصوله للون الذهبى البنى.

يُستخرج الجمبرى باستخدام الملعقة المصفاة الواسعة، والتى تساعد فى التخلص على الزيت الزائد. يوضع الجمبرى المُسترج على ورق المطبخ ليتشرب بقايا زيت القلى.

يُوضع الجمبرى فى أطباق التقديم المُناسبة ويتم تزيينه باستخدام حلقات من الليمون.

يا رب وصفتنا تكون عجبتكم وتكون تكاتنا فيها واضحة بالنسبة لكم، وياريت تقول لنا رأيكم فى وصفتنا بعد ما تجربوها، فى تعليق هنا، أو على صفحتنا الرسمية على الفيسبوك، وبالهنا!