كان عندى أزمة كبيرة مع الفتة المصرية بتاعتنا، مكنتش بحبها، ونفسيا مكنتش مستوعبة إيه الحلو فى عيش مبلول شوربة فوقه أرز ولحمة وصلصة، العيش المبلول كان بيقفلنى قفلة رهيبة منها كفكرة وجبة شعبية الكل بيحبها، بدأت المشكلة دى تتحل لما جربت الفتة الشامية، عجبتنى جدا خصوصا لما بيكون العيش الشامى بتاعها ناشف ومش متسقى، وبدأت اتعامل مع الفتة فى المبطخ وأجهزها بنفس راضية كل الرضا، وبدأت أذاكر أنواع تانية من الفتة، وانبهرت لما اتعلمت وصفات مختلفة منها، وخصوصا الأصناف الشامية، واللى منها موضوعنا النهاردة، فتة حمص الشام، وصفة فى رأيى الشخصى تحفة، بسيطة وطعمها يجنن، وأحلى ما فيها إنها وجبة للفطار، بتتقدم فى لُبنان كوجبة فطار مشبعة ورائعة. كان مهم بالنسبة لى إنى أجربها، ولما عملتها اتبسطت جدا مع طعمها، أنا وكل اللى معايا فى البيت، وعشان كده قلت لازم أصدقاء المدونة عندى يعرفوها ويستفيدوا بطريقتها وتبقى فرصة حلوة للتنويع فى الفتة.

احنا بالنسبة لنا كأسرة أنا واخواتى كلهم مدمنين على أصناف معينة كده فى الأكل، من ضمن الحاجات اللى بنعشقها حمص الشام، ممكن تحطوا قدامنا 5 كيلو حمص مسلوق نخلصهم فى نص ساعة، الحالة فعلا صعبة عندنا مع حمص الشام، بنحبه بعنف.. وده اللى خلى الوصفة دى من الفتة عبقرية بالنسبة لنا فى البيت ومحبوبة ومطلوبة.. يا ترى انتوا بتعشقوا حمص الشام؟ بتحبوه مسلوق والا مطبوخ والا سلطة؟! تعالوا معايا نتعرف دلوقتى على فوايد حمص الشام للصحة والجسم.

فوائد حمص الشام:

حُمص الشام المسلوق، مدرّ للبول ، يعالج المفاصل وآلامها، وخاصّة عظام الظهر.  منشّط للأعصاب.  يفتت الحصو المتراكم على الكلى، كما أنه يفتت الحصو الموجود في المسالك البولية.  يحافظ على صحّة القلب، ويقيه من التعرّض إلى الجلطات القلبية.  يحافظ على صحة الأوعية الدموية، ويقيها من التصلب.  يفتح سدّد الطحال، والكبد.  يحمي الجسم من الإصابة بأمراض السرطان، وسرطان القولون.  يحفّز نمو الشعر الجديد.  يخفض من نسبة الكولسترول الضار في الدم، ويرفع الكولسترول النافع في الجسم.  ينظّم مستوى السكر في الدم، حيث يخفض من نسبة السكر لمرضى السكري.  يبني العضلات، ويساعد في أداء وظائفها.  يبني الأنسجة في الجسم، ويصلحها في حالة التلف.  يعطي الجسم القوة، والنشاط.  يوفّر البروتين الضروري لنمو جسم الأطفال الرضع.  يخفض من مستوى ضغط الدم المرتفع . يعالج الروماتيزم.  يكافح السمنة.  مضاد للأكسدة  ويحسّن المزاج.  يحافظ على صحّة الجهاز الهضمي.  ينظّم حركة الأمعاء.  يعالج الإمساك.  يسهل عملية الهضم.  يجعل الفرد يشعر بالشبع وامتلاء المعدة، مما يساعد في تخفيف الوزن الزائد.  مليّن للمعدة.

المكونات:

علبة حمص شام جاهز

ملعقة طعام من البقدونس المفروم

1/4 كوب لبن (حسب الرغبة)

علبة زبادى سادة

ملعقة طعام عصير ليمون

2 ملعقة طعام طحينة

2 فص ثوم مفروم

2 رغيف خبز شامى مُقطع مثلثات ومحمص أو مقلى بالزيت

ملح، فلفل أسود، كمون

طريقة التحضير

يتم تحميص الخبز، بوضعه فى الفرن، أوقليه فى كمية من الزيت حتى يصبح ذهبى اللون.

يُوضع الخبز المحمص فى طبق التقديم، كطبقة أولى فى طبق الفتة.

ثم تُوضع فوقه طبقة حمص الشام الجاهز مع استخدام القليل من ماء حفظها لتسقية الخبز.

تُحضر طبقة صوص الفتة، بخلط الزبادى مع الطحينة وعصير الليمون والثوم المفروم والتوابل، وتُقلب جميع المكونات جيدا مع بعضها البعض، مع إضافة اللبن فى حالة الرغبة فى الحصول على صوص خفيف وغير سميك.

يُضاف صوص الزبادى والطحينة كطبقة أخيرة على طبقتى الخبز المحمص وحمص الشام فى طبق التقديم، ويُراعى أن تُفرد طبقة الصوص جيدا لتغطى جميع جوانب الطبق. يتم تزيين طبق التقديم بالبقدونس المفروم ويُقدم على مائدة الإفطار.

هاه.. عجبتكوا الوصفة، لو أيوه سيبوا لنا رأيكم فى تعليق، ولو نفذتوا الوصفة صوروها وابعتوا لنا الصورة فى تعليق على صفحتنا على الفيسبوك.