بواقى الأكل عندنا بتُستخدم باحتراف، وكمان بيطلع منها حاجات حلوة فى طعمها وشكلها.. دايما ست البيت الشاطرة بتستحرم ترمى أكل فى الزبالة، أو تتخلص منه لأن بايت أو محدش عاوز ياكله، تلاقى إنها فكرت ومخمخت وجابت الحل، ومن ضمن الحلول الرائعة لاستخدام بواقى الفراخ أو الفراخ البايتة أو اللى محدش عاوز ياكلها لأى سبب من الأسباب، إننا نعمل كفتة بانية بالفراخ، حل بصراحة عبقرى، وفيه التفاف قانونى كده على الظروف وعلى أزمة رمى الأكل البايت، حل بيعلمنا درس مهم جدا مش بس فى المطبخ، ده فى الحكاية كلها، متستهترش بالقليل، ولا بقدرات الستات!

الوصفة النهاردة محتاجة إمكانيات بسيطة ومش مكلفة، وبتكون وصفة حلوة جدا فى رحلات اليوم الواحد، أو فى خروجة لذيذة مع الأصحاب والأسرة فى حديقة مفتوحة، ممكن جدا نحضرها وناخدها معانا فى سندوتشات، أو ناكلها مع شوية بطاطس محمرة لذيذة، وبتكون حل ممتاز فى أيام المصيف لما بتكون الواحدة مننا عاوزة تتبسط وتاكل من غير ما تقف وقت طويل فى المطبخ عشان هى رايحة أجازة مش رايحة تعمل مجهود كل يوم، المهم إنها بتكون وصفة مثالية للخروج والساندوتشات والرحلات القصيرة أو الطويلة.. تعالوا نتعرف على مكونات ومقادير كفتة الفراخ البانيه ونتعلم نعملها سوا.

طريقة عمل كفتة دجاج بانيه:

المكونات:
1/2 كيلو صدور دجاج مخلية 
بصلة متوسطة مفرومة

عصير ليمونة

ملعقة شاى ملح

1/2 ملعقة شاى فلفل أسود مطحون

1/2 ملعقة شاى بودرة بصل

1/2 ملعقة شاى بودرة ثوم

1/4 ملعقة شاى زنجبيل بودرة

2 ملعقة طعام جزر طازج مبشور

1/2 ملعقة شاى فلفل أحمر حار (حسب الرغبة)

للخلطة الخارجية:

كوب دقيق

كوب بقسماط ناعم

بيضة مخفوقة مع القليل من الحليب

طريقة التحضير:

نقوم بغسل صدور الدجاج بالماء أو الماء والخل، ثم نقوم بتصفيته تماما من الماء الزائد.

بعد ذلك، نقوم بتتبيل صدور الدجاج، بإضافة البصل وعصير الليمونة ونصف كمية الملح ونصف كمية الفلفل الأسود، وإضافة الزنجبيل البودرة مع تقليب التوابل والبصل وعصير الليمون جيدا على صدور الدجاج حتى تتغلغل بداخلها، ونُراعى أن نتركها فى التتبيلة داخل الثلاجة "البراد"، ساعة على الأقل حتى تتشرب قطع الصدور جميع الأطعمة والتوابل.

بعد التتبيل نستخرج الصدور من الثلاجة ونبدأ فى تقطيعها فى صورة شرائح صغيرة، ثم نبدأ فى فرمها فى الكبة أو الــــ Kitchen Machine حتى تُصبح ناعمة ومُتجانسة تماما، وفى حالة عدم توفر تلك الأجهزة فى البيت، يُمكن فرم قطع الدجاج باستخدام الهُون اليدوى والدق الجيد له حتى نصل للتجانس المطلوب، بعدها نقوم بإضافة الجزر المبشور إلى الخليط ونُقلبه جيدا بواسطة اليدين حتى يتداخل جيدا مع العجين.

نستخرج العجين من المطحنة ونبدأ فى إعداد الكفتة بتشكيلها باليدين على شكل أصابع ثم نضعها فى الثلاجة "البراد" لمدة من نصف ساعة إلى ساعة، نستخرجها بعدها من الثلاجة، لنعمل على تكسيتها استعدادا لعملية القلى.

فى 3 أطباق مختلفة، نضع الدقيق، والبيض المخفوق مع الحليب والبقسماط الناعم، ونُضيف إلى كل طبق منهم رشة ملح وفلفل أسود بسيطة، ونُضيف على البقسماط الناعم بالإضافة إلى رشة الملح والفلفل، نُضيف البصل البودرة والثوم البودرة، ثم نقوم بوضع كل إصبع من أصابع كفتة الدجاج البانيه فى طبق الدقيق أولا، ثم البيض، ثم البقسماط الناعم، ويجب أن نُراعى جيدا، أن يُغمر الإصبع الواحد غمرا جيدا فى كل طبق من الأطباق الثلاثة، حتى يحصل على التكسية المناسبة لتجهيزه للقلى.

تُكرر العملية السابقة مع كل أصابع الكفتة حتى ننتهى تماما من تغليف الكمية كلها، وأثناء عملية التغليف تلك، نبدأ فى تحضير زيت القلى، حيث نقوم بوضع زيت القلى (حوالى ربع لتر زيت خليط) فى مقلاة مناسبة على نار متوسطة، ونتركه حتى يسخن، ثم نبدأ فى إسقاط أصابع الكفتة به، ويجب أن نُراعى أن تتم التسوية على نار متوسطة إلى هادئة حتى نضمن أن الحرارة تصل إلى قلب أصابع الكفتة، نستمر فى القلى حتى نحصل على لون ذهبى إلى ذهبى بنى.

تُكرر الخطوة السابقة مع كل الكمية من أصابع الكفتة، ثم تستخرج الأصابع وتوضع على ورق المطبخ ليتشرب الورق كمية الزيت الزائدة، ثم تقدم.

تقدم الكفتة مع وضع البقدونس للتزيين وشرائح البطاطس الشيبسى والكاتشاب اللذيذ، مع إمكانية تقديم كفتة الدجاج البانيه فى أرغفة الخبز البلدى كسندوتشات شهية جدا ومُشبعة.

دى كانت وصفتنا النهاردة، كفتة فراخ بانيه فى البيت، جربوها واستمتعوا بكل لحظة فيها، ومتنسوش تشاركوا حبايبكم وصحابكم الوصفة بعمل شير. وفى انتظار صور وتعليقات حضراتكم على صفحتنا الرسمية على الفيسبوك، وبالهنا.