آدي الربيع عاد من تانى، والبدر هلت أنواره.. ومع حلول أنوار الربيع وأزهاره، بيحل الاحتفال بعيد شم النسيم.. ونبدأ كمصريين نشترى الرنجة والفسيخ، والملوحة والسردين، ونعيش لحظات حلوة، عمرها يوم واحد فى السنة! كتير مننا بيلبس وينزل من البيت، قاصد مطعم او محل بعينه، عشان بيقدم الأسماك المملحة بطريقة مبتكرة، واللى بيكون من أشهرها طريقة تحضير تغميسة الفسيخ والرنجة والسردين، معانا هنقدر نحضر الطبق الوهمي ده فى البيت، بمنتهى السهولة، وبمنتهى الطعامة، وأنا واثقة إنكم لما تتعلموا طريقة تحضير تغميسة الفسيخ والرنجة والسردين، فى البيت، هتستغنوا نهائيا عن النزول من البيت وأكلها فى أى حتة تانية!

طريقة تحضير تغميسة الفسيخ والرنجة والسردين:

المكونات:

شرائح رنجة مخلية

شرائح فسيخ مخلية

شرائح سردين مخلية

ملعقة كبيرة طحينة خام

ملعقة صغيرة خل أبيض

2 فص ثوم مفروم

2 ملعقة كبيرة زيت زيتون

طريقة التحضير:

فى المفرمة، نضع شرائح الرنجة المخلية والفسيخ والسردين (حوالي 2 قطعة متوسطة من كل نوع)، ونُراعى أن تكون الشرائح مُقطعة بشكل صغير، حتى تختلط جيدا فى المفرمة.

نضع الخل والثوم المفروم، وزيت الزيتون والطحينة الخام على شرائح الأسماك المملحة، ونبدأ فى فرم جميع المكونات جيدا فى المفرمة.

نستخرج الخليط المفروم من المفرمة، بعد أن يُصبح متجانسا ومتماسكا (يسبه سلطة بابا غنوج).

نضع الخليط فى طبق التقديم المُناسب، ونقوم بتزيينه بقطرات من زيت الزيتون والشطة الحمراء والكزبرة الطازجة.

يُقدم مع شرائح الخبز الناشف.

نتمنى تكون وصفتنا عجبتكم.. افتحوا الرابط ده عشان تشوفوا فيديو طريقة التحضير، وبالهنا.