عارفين يعنى ايه الواحد/ة ريقه يجري؟! يعنى شاف اللى يخليه جعان وملهوف حتى لو كان واكل قبلها.. ده بالظبط اللى بيحصل فى طريقة تحضير محشى الفلفل الألوان والرنجة.. الريق بيجري، والمعدة بتشتهي، والفم بيتفتح على الرابع.. تعالوا نشوفها ونعملها فى شم النسيم.

طريقة تحضير محشى الفلفل الألوان والرنجة:

المكونات:

4 حبات من الفلفل الألوان (2 من الأحمر، و2 من الأصفر)

شرائح رنجة مخلية

عصير نصف ليمونة

طماطم مقطعة مكعبات صغيرة

زيتون أسود شرائح

طريقة التحضير:

نبدأ أولا بشوي قطع الفلفل الألوان، فعلى نار هادئة نضع حبة الفلفل الواحدة مباشرة على النار، ونتركها عليه فترة تترواح من 15-20 دقيقة، مع مراعاة تقليب الحبة على جميع جوانبها كل فترة، لضمان شويها جيدا من جميع جوانبها.

نرفع الحبات من على النار، ونضعها فى طبق عميق، ونغطيها بطبق آخر، لضمان تكثيف البخار الناتج من شوي حبات الفلفل، والذى سيعمل على تطرية الحبات.

نُكرر الطريقة مع كل حبات الفلفل الألوان، ثم نتركها جميعا فى الطبق وهى مغطاة لمدة ربع ساعة، حتى تهدأ وتصبح طرية، فى هذا الوقت سنبدأ بتحضير الرنجة.

نقوم بتقطيع الرنجة المخلية، إلى مكعبات صغيرة متساوية.

نقوم بتقطيع حبات الفلفل الأحمر، كل حبة إلى نصفين، ثم ننزع البذور تماما من داخل الأنصاف المقطوعة، تمهيدا لحشوها.

نبدأ فى حشو الفلفل الألوان بقطع الرنجة وقطع الطماطم.

نفعل ذلك مع كل القطع ثم نقوم بعصر قطرات من الليمون فوق كل القطع.

تُقدم السلطة مع باقي الأصناف الأخرى من الأسماك المملحة.

نتمنى تكون وصفتنا عجبتكم.. افتحوا الرابط ده عشان تشوفوا فيديو طريقة التحضير، وبالهنا.