شوربة الخضار تعتبر مش مجرد شوربة، دى وجبة صحية متكاملة بتتعمل بسهولة، ومش مكلفة، وميزتها الكبيرة فى تنوع أنواع الخضار اللى بتكون فيها، تقدروا تضيفوا لشوربة الخضار أى نوع خضار بتحبوه، وتستمتعوا بالتنوع اللى هيبقى موجود فى الطبق الغنى ده. طريقة تحضير شوربة الخضار مش محتاجة لا جُهد ولا عبقرية، خطوتين اتنين بالظبط وتبقى جاهزة، وعشان تعرفوا طريقة تحضير شوربة الخضار على أصولها لازم تعملوها بطريقة جوا الحلة.

أحلى حاجة فى شوربة الخضار إنها بتكون خفيفة وخصوصا لو اتعملت بزيت الزيتون، وغالبا فى ناس بتشربها باستمرار، وفى المقابل فى ناس بتسميها شوربة العيانين، يمكن لأنها بتبقى موصوفة خصوصا للناس اللى عندها نزلة كبرد، كوجبة مشبعة وصحية، طريقة تحضير شوربة الخضار بتعتمد فى الأساس على الزيت "يُفضل زيت الزيتون"، وعلى البصل وتشكيلة الخضار حسب رغبتنا وذوقنا فى الأكل.. تعالوا معانا نتعرف على طريقة تحضير شوربة الخضار بتكاتها وحركاتها.

طريقة تحضير شوربة الخضار:

المكونات:

خضار مشكل (بطاطس "بطاطا"، جزر، فاصوليا خضراء، بازلاء خضراء، كوسة"

لتر ونصف شوربة دجاج أو لحم

2 مكعب مرقة دجاج "فى حالة عدم توفر الشوربة"

بصلة مقطعة شرائح صغيرة

1/2 ملعقة شاى فلفل أسود مطحون

1/2 ملعقة شاى ملح طعام

 2 ملعقة طعام زيت زيتون

طريقة التحضير:

نقوم بتقطيع الخضراوات إلى مكعبات صغيرة الحجم متساوية.

نُضيف زيت الزيتون للوعاء بعد أن يُصبح ساخنًا.

نضع البصل المُقطع فى الوعاء ونقوم بتقليبه فى الزيت بواسطة ملعقة خشبية، ونتركه لمدة دقيقتين حتى يذبل.

نضع البطاطس والجزر والفاصوليا والبازلاء فى الوعاء الساخن المُحتوى على زيت الزيتون وشرائح البصل، ونُقلبها جيدا لمدة دقيقتين أو ثلاثة.

نُضيف شوربة الدجاج أو اللحم إلى الوعاء.

نُغطى الوعاء ونترك الشوربة حتى تصل لدرجة الغليان.

بعد غليان الشوربة، نقوم بتهدئة النار، ونضيف الفلفل الأسود المطحون، ونُغلق الغطاء مع مراعاة مواربته حتى لا تفور الشوربة وتخرج خارج الوعاء وتنطفئ النار.

نراعى متابعة الشوربة كل 10 دقائق، حيث من الممكن أن تجف الشوربة بسبب التبخير، فإذا قل أو نقص ماء الشوربة نقوم بتزويده بكوب من الشوربة أو الماء حسب المتوفر.

بعد نصف ساعة تقريبا، نقوم بإضافة الكوسة إلى الشوربة، وذلك لأن الكوسة طرية ولا تحتاج وقتا طويلا فى تسويتها مثل باقى أنواع الخضار.

نترك الشوربة على النار حتى تصل للتسوية الكاملة، ثم تُقدم.

طريقة تحضير شوربة الخضار سهلة زى ما شوفتوا، جربوها واتعودوا دايما يبقى فى على سفرة الغدا بتاعتكم طبق من أطباق الشوربة، لأنها بتدفى المعدة، وبتدى إحساس الأمان ليها عشان تقدر تستقبل أصناف الأكل التانية، وبالهنا.