في وصفات صحية، وفى وصفات صحية وشهية.. وصفتنا النهاردة من النوع التانى، وصفة صحية وشهية في نفس ذات الوقت.. شكلها روعة، وطعمها أروع.. المهم بقى إنها مش بتاخد وقت في التحضير وبتعمل معاكى أحلى شغل.. اتعرفى معانا على طريقة تحضير كيكة السلطة.. الشكل كيكة.. والمضمون سلطة.. والنتيجة مُبهرة.. اعملى كيكة السلطة في العزومات وخلى الكل يتكلم عن مهارتك وذوقك في التقديم.. طريقة تحضير كيكة السلطة سهلة جدا ومكوناتها بسيطة ومُتاحة في كل بيت.. تعالى نتعلمها مع بعض.

طريقة تحضير كيكة السلطة:

المكونات:

كرنب سلطة مقطع شرائح رفيعة

2  حبة جزر مقطع مكعبات صغيرة

حزمة بقدونس مقطع شرائح رفيعة

2 حبة بطاطس مسلوق ومهروس

1/2 كوب ذرة حلوة حبوب

طماطم مقطعة مكعبات صغيرة

خيار مقطع شرائح صغيرة

مشروم شرائح

فلفل ألوان

نصف ملعقة صغيرة من التوابل الآتية: (كمون، نعناع، ملح، فلفل اسود)

3 ملعقة كبيرة زبدة

مقادير الصلصة

2 ملعقة مايونيز أو ربع كوب حليب

للحشوة والتزيين:

طماطم شيرى

نعناع طازج

طريقة التحضير.

نجيب صينية الكيك اللي بتتفح جانبياً أول طبقة من القاعدة بطاطس مسلوقة مهروسة عليها ملح وفلفل أبيض وبقدونس مقطع رفيع وزبدة أو كريمة أو مايونيز لغاية ما تحسي البطاطس بقت زي عجينة.
نفرد البطاطس على شكل طبقة متوسطة السمك ثم نوزع طبقات من الخضراوات على ذوقك
فلفل أحمر وأصفر وأخضر زيتون اسود كرنب بنفسجي ومشروم
وذرة وخيار وطماطم خلصت رص طبقات الخضار ؟!

الطبقة الأخيرة من نفس البطاطس المسلوقة والمهروسة ونضغط ضغطة خفيفة على الوش للتثبيت نزوق الوش بخضار ورقي وطماطم كرزيه أو أي شكل تحبيه وكلكم إبداع .

افتحي جوانب القالب بهدوء وارفعيه واستمتعي بالألوان والطعم وألف هنا
وجبة كاملة متكاملة. صحية. شهية.

نتمنى تكون الوصفة سهلة وموفرة.. لو عندكم أى أسئلة، اضغطوا على الرابط ده ووجهوا أسئلتكم لصاحبة الوصفة.. وبالهنا.