لما ييجى على بالنا نسافر اسكندرية، ريحة البحر تقريبا بتكون أول حاجة تقفز فى الذاكرة، بس مش بس ريحة البحر، ده كمان ريحة الأكل الاسكندرانى المحبش الحرش الخطير.. الكبدة الاسكندرانى طبعا، والسجق أو بالاسكندرانى "السدق" والحواوشي الاسكندرانى.. هناك على شط بحر الهوا الاسكندرانى الجميل، الحواوشى له نظام تانى، حواوشي اسكندرانى يعنى عجينة حلوة وغنية تتعمل بمزاج وتتحشى لحمة مفرومة متبلة بمزاج وتدخل الفرن وتطلع لنا فى صورة وجبة متكاملة الأركان.. حواوشي اسكندراني يعنى مننساش شوية الشطة لزوم الطعم المشعوط، وناكل بقى وننسى همومنا كلها مع الرغيف الخطير ده.

طريقة تحضير حواوشى اسكندراني:

المكونات:
أولاً: مكونات عجينة الحواوشي (عجينة العشر دقائق).
5 كوب دقيق (طحين)

2 ملعقة كبيرة خميرة فورية

ملعقة كبيرة سكر

ملعقة صغيرة ملح

3/4 كوب زيت ذرة

2 ملعقة كبيرة لبن بودرة (حليب بودرة)

ماء دافئ للعجن

ثانيا: مكونات اللحم المفروم

شاهد طريقة تحضيراللحم المفروم من هنـــــا

ثالثا: مكونات السجق 

شاهد أيضا طريقة تحضيرحشوة سجق شرقى من هنـــــا

طريقة التحضير:

فى طبق عميق مناسب، نخلط المكونات الجافة مع بعضها البعض ثم نُضيف الماء الدافئ بالتدريج حتى يصبح العجين متجانسا، ونضيف بعدها الزيت ونعجن جيدًا، ثم نغطيها بإحكام بواسطة فوطة مطبخ جافة ونظيفة، ونتركها فى مكان دافئ تختمر لمدة ساعة.

بعد ساعة نستخرج العجين ونعمل على تقسيمه على شكل كرات متساوية فى الحجم، ونفرد كل كرة على رخامة مرشوش عليها كمية من الدقيق، ثم نبدأ فى فرد كرة العجين بالشكل المرغوب، ونضعها فى صينية مفروشة بورق الزبدة المدهون زيت أو سمن ونضع عليها الحشو، ثم نفرد كرة ثانية ونضعها على الوجه ونغلق الأطراف جيدًا.

ندهن عجين الحواوشى بالسمن، للحصول على اللون الذهبى أثناء التسوية، وبواسطة سكين حاد، نعمل على تقطيع خطوط عرضية فى واجهة العجين لتساعد على عملية التسوية، ثم ندخله فرن ساخن على درجة حرارة 160°مئوية، ونتركه حتى ينضج ويأخذ لونا ذهبيا.

تُقدم أرغفة الحواوشى مع المخللات وسلطة الثومية.

شاهد أيضا طريقة تحضير ليمون مخلل من هنـــــا

شاهد أيضا طريقة تحضير سلطة الثومية من هنــــا

نتمنى تكون وصفتنا سهلة وتكون عجبتكم.. لو حابين تتفرجوا على خطوات التحضير بالتفصيل تقدروا تشوفوها من خلال الرابط ده .. وبالهنا.