أكل المطاعم فى البيت، شعار حقيقى بنقدمه فى مدونة جوا الحلة، هدفنا منه توفير الطعم المميز اللى بنخرج من البيت مخصوص عشان ناكله بره البيت، وفى نفس الوقت، التوفير فى الميزانية، لأن أكيد الأكل بره البيت بيبقى مُكلف، وأحيانا مُكلف جدا.. طريقة تحضير ستيك اللحم محتاجة الحقيقة مهارة، هي مش بتاخد وقت، لكن محتاجة نتعمل كام حركة كده، عشان تظبط معانا.. أهم حاجة محتاجين نعرفها عن طريقة تحضير ستيك اللحم، هى القطعية الخاصة بالعجل اللى هنعمل منها ستيك اللحمة، وهى بتتسمى باللغة الإنجليزية Rib – Eye ، دى أفضل قطعية فى العجل يتعمل منها ستيك لحم لذيذ وطرى.  

طريقة تحضير ستيك اللحم كمان بتعتمد على خطوة مُهمة جدا، وهي عمل صدمة لقطعة اللحمة أثناء بداية التسوية، الصدمة دى يعنى تكون الطاسة سُخنة جدا وننزل باللحمة فيها لحد ما تاخد لون بنى غامق، وده طبعا على الوجهين، الخطوة دى بتعمل على سد مسام قطعة اللحم، وده بيسمح باحتفاظها بالعصارة بتاعتها جوا قلب قطعة اللحم، وده السر اللى بيخليها متبقاش ناشفة وتفضل طرية بعد التسوية.

مُهم جدا تعرفوا وانتوا بتعملوا وصفة طريقة تحضير ستيك اللحم، إن دى وصفة مش بتحتاج لتتبيل كتير، احنا هنعتمد فيها بس على الملح والفلفل وزيت الزيتون، اللى هيساعد فى احتفاظ قطع الستيك بالطرواة بتاعتها، مُهم كمان نعرف إن كل مدة التسوية 14 دقيقة بس، للوجهين، يعنى واحنا بنتعلم طريقة تحضير ستيك اللحم، نحفظ فى راسنا إن 4 دقايق "لكل وجه دقيقتين" هيكون لعمل الصدمة اللى اتكلمنا عنها، و 10 دقايق "لكل وجه 5 دقايق"، دول عشان التسوية.

تعالوا مع بعض نتعرف على مكونات وطريقة تحضير ستيك اللحم فى البيت.

 طريقة تحضير ستيك اللحم:

المكونات:
2 قطعة ستيك من منطقة Rib - Eye

ملعقة طعام ملح

ملعقة شاى فلفل أسود مطحون

2 عود روزمارى أخضر أو مجفف

2 ملعقة كبيرة زبدة

2 فصوص ثوم

ربع كوب من زيت الزيتون

طريقة التحضير:

نبدأ في تجهيز ستيك اللحم، حيث نقوم بتتبيل القطع من جميع الجوانب بزيت الزيتون، ونتأكد من أن زيت الزيتون وصل للوجهين والجوانب، ثم نُضيف الملح والفلفل الأسود لقطع ستيك اللحم، مع دهان الملح والفلفل جيدا بواسطة اليدين على الوجهين لكل قطعة ستيك.

نُحضر طاسة مُناسبة، غير قابلة للالتصاق، ونضعها على نار عالية، لمدة عشرة دقائق، ثم نغمرها بكمية مُناسبة من زيت الزيتون.

نبدأ في وضع قطع ستيك اللحم على الطاسة الساخنة جدا، ونراعي أن نُقلب كل قطعة على كل وجه من الوجهين بعد دقيقتين فقط من التعرض للنار العالية، وذلك لعمل صدمة لقطعة اللحم، تعمل على سد المسام واحتفاظ قطع اللحم بعضارتها وطراوتها.

نضع أعواد الروزمارى في الطاسة، ونضع كذكل فصوص الثوم، ثم نضع كمية الزبدة مع باقى المكونات، ونترك جميع العناصر لتمتزج مع بعضها.

بعد ذلك نقوم بتخفيض درجة الحرارة إلى متوسطة – منخفضة، ونستمر بتسوية قطع الستيك لمدة 10 دقائق، لكل وجه 5 دقائق.

تُرفع قطع ستيك اللحم من الطاسة، وتُوضع في طبق تقديم مناسب مع صوص المشروم، والخضار السوتيه.

دى كانت وصفتنا النهارده، طريقة تحضير ستيك اللحم، جربوها واستمتعوا بطعم المحلات فى البيت، وبالهنا.

لو عايزين تشوفوا الطريقة فيديو اضغـــــط هنـــــا