طريقة تحضير بطاطس بالروزماري


بيقولوا إن البطاطس أكلة شعبية، هي كده فعلا، وعالمية، هي كده بردو، وبيقولوا إنها بتقبل القسمة على أي وصفة، حطوا كده البطاطس مع أي وصفة أكل، حتى لو طبق جانبي، هتظبط معاها.. إحنا بنلبس أحيانا وننزل من البيت عشان ندخل مطعم بيقدم بطاطس بشكل مختلف، أو مميز، أو مش بيقدم غير البطاطس أصلا، إحنا لو فكرنا في حياتنا إيه أكتر حاجة أكلناها، هتطلع البطاطس، صح كده والا أنا بأبالغ؟! وصفتنا هي (بطاطس بالروزماري)، لذيذة سريعة دمها خفيف في الأكل، والبيت كله هيتخانق عليها لحد آخر قطعة منها في الطبق. 
البطاطس بتحتوي على نسبة من البروتين اللي بيحتوي على نسبة عالية من الأحماض الأمينية الأساسية للجسم، وكمان بتتميز البطاطس إن سعراتها الحرارية عالية، يعني بتمد الجسم بالطاقة والنشاط. ده بالنسبة للبطاطس، أما الروزماري أو حصى البان أو إكليل الجبل، فله فوايد كتيرة جدا، فهو بيساعد على مكافحة مرض الزهايمر وتحسين الذاكرة، لأنه بيحتوي على مواد فعالة مضادة للأكسدة مثل: حمض الروزمانيك. ونبات إكليل الجبل كمان مفيد بدرجة ملحوظة للشعر، لأنه بيؤدي إلى تماسك الشعر ومنع سقوطه ومساعدته على النمو بسبب مساعدته للدم على الوصول والتدفق إلى الرأس. تعالوا بقى نتعرف مع بعض على طريقة عمل (البطاطس بالروزمارى) ونبدأ نعملها إن شاء الله في البيت عندنا لو حبينا الوصفة.
المكونات:
3 حبة بطاطس (البطاطا) متوسطة الحجم
1 ملعقة كبيرة زيت زيتون
1 ملعقة صغيرة ملح
1/4 ملعقة صغيرة فلفل أسود مطحون (أو كمون حسب الرغبة)
3 عود روزماري طازج (أو مجفف)

     طريقة التحضير:
تغسل حبات البطاطس وتجفف وتُقشر وتُقطع على شكل مكعبات صغيرة في حجمها، ثم توضع في وعاء عميق به ماء (حوالي 2 لتر)، وملح وتُسلق نصف سلقة.
في مقلاة غير قابلة للالتصاق، نضع زيت الزيتون، وبعدها نضع حبات البطاطس التي تم سلقها ثم نُضيف الملح (1/2 ملعقة صغيرة) والفلفل الأسود، ونُراعي أن يتم رش الملح والفلفل بحيث يُغطي جميع الحبات، بعدها نضع أعواد الروزمارى في المقلاة.
نبدأ في تحمير مكعبات البطاطس، وذلك على درجة حرارة متوسطة، ويراعى أن يتم تقليب المكعبات على جميع جوانبها حتى يتم تحميرها جميعا بشكل جيد، ويراعى كذلك تقليب أعواد الروزماري على الاتجاهين حتى نستفيد بأكبر قدر من زيوتها وعطورها النفاذة الجميلة.
بعد أن يتم تحمير جميع المكعبات جيدا، يتم اختبار وصولها للتسوية التامة، وذلك بتناول قطعة لتذوقها، فإذا وصلت للتسوية التامة يتم رفع المقلاة من على النار، ووضع مكعبات البطاطس في طبق التقديم المناسب.
  يمكن أن تقدم هذه الوصفة في وجبة الإفطار، أو العشاء، أو تُقدم كطبق جانبي مع أي وصفة أخرى من اللحوم أو الدجاج أو حتى الأسماك.
إيه رأيكم في وصفتنا؟ سهلة؟ جربوها في البيت وهتحسوا إن طعمها مميز وجميل، وبالهنا.