الحلويات عموما مهم تبقى موجودة كل فترة فى البيت، وخصوصا فى المواسم زى رمضان والأعياد، والفترة الأخيرة، لاحظنا تطوير رهيب فى أصناف الحلويات الشرقية الرمضانية، يعنى الكنافة اللى كنا نعرفها كانت يا دوب كنافة بالمكسرات أو بالقشطة، والقطايف كانت بردو نفس النظام، لكن دلوقتى بقى من كتر أنواع الإبداع فى أشكال وطرق الحلويات الشرقية الرمضانية مبقاش عندنا وقت نلاحق على الأصناف، لكن معانا فى جوا الحلة هتلاقوا كل جديد وبطريقة سهلة، وأحلى فى طعمها من طريقة المحلات.. تعالوا نعمل مع بعض صنف جديد جدا ومميز جدا من الحلويات الشرقية، تعالوا نتعلم طريقة تحضير تارت الكنافة بصوص التوفى.

طريقة تحضير تارت الكنافة:

المكونات:

1/4 كيلو كنافة "يُفضل تكون مفرزة"

1/4 كوب سمن بلدى

ملعقة كبيرة سكر بودرة

لصوص التوفى:

200 جرام سكر

200 جرام زبدة

400 جرام لبن مكثف

للزينة:

مكسرات عين الجمل

طريقة التحضير.

فى طاسه مُناسبة، يتم وضع السمن والكنافة بعد تفتيتها، ثم نضع السُكر، ونقوم بتقليب المكونات جيدا، وذلك على نار متوسطة – ضعيفة.

نستمر بالتقليب حتى تختلط المكونات تماما مع بعضها البعض، وحتى يُصبح لون الكنافة ذهبيا.

نرفع الكنافة من على النار ونتركها لتبرد قليلا، ثم نقوم بتسقيتها بالشربات البارد. 

لمعرفة طريقة تحضير الشربات اضغطوا على الرابط

نُحضر صوانى التارت ونبطنها سمنة ونفرد الكنافة بداخلها ونبططها جيدا، ونضعها بالثلاجة.

لتحضير صوص التوفى:

نضع السكر فى وعاء مناسب على نار هادية، ونتركه حتى يتكرمل، مع مراعاة متابعته المستمرة حتى لا يحترق.

بعدها نقوم بإضافة الزبدة واللبن المُكثف، وبواسطة المضرب اليدوى نبدأ بالتقليب حتى تمتزج المكونات تماما مع بعضها البعض.

نترك الخليط حتى يصل لدرجة الغليان، مع متابعته، حتى يصير القوام سميكا، ويُراعى المتابعة المستمرة عن قُرب حتى لا يحترق الصوص ويُصبح طعمه مُراً.

نرفع الوعاء من على النار، ونترك الصوص حتى يبرد تماما.

نستخرج قوالب التارت من الثلاجة، ونقوم بحشوها بصوص التوفى.

فى مقلاة مناسبة، نقوم بتحميص مكسرات عين الجمل، ونتركها بعد التحميص لتبرد، ثم نُزين بها قوالب التارت.

يُقدم تارت الكنافة مع صوص التوفى على السفرة الرمضانية.

دى وصفتنا لتارت الكنافة بصوص التوفى، أتمنى إنها تكون وصفة سهلة، لو عجبتكم، انضموا لجروب جوا الحلة على الفيسبوك عشان نشارك سوا وصفات الأكلات والحلويات وتكونوا جزء من عالمنا.

وتقدروا تتواصلوا كمان مع صاحبة الوصفة من هنـــــــــــا.