صوابع زينب الحلوى الشرقية المصرية الأصول، اللى بنحبها طول السنة، وفى شهر رمضان الكريم بيكون لها 

مكانة أساسية على سفرة الحلويات بعد وجبة الفطار.. صوابع زينب مش مُجرد نوع من أنواع الحلويات الشرقية المصرية، دى ليها كذا قصة وأكتر من رواية اشتهرت بيها صوابع زينب، واشتهر بسببها تسميتها طريقة تحضير صوابع زينب بالاسم ده، فيها منها رواية تاريخية، ترجع لآل بيت رسول الله صلى الله عليه وسلم، وفى رواية رومانسية عن فتاة تُدعى زينب، ومن بين كل الروايات المختلفة احنا علينا فى الآخر إننا ناكل ونستمتع بجمال الطعم والشكل، لو عاوزين تعرفوا معلومات عن سبب تسمية حلويات صوابع زينب بالاسم ده افتحوا الرابط ده

احنا هنسيب الجزء المعلوماتى عن أصل تسمية صوابع زينب ونروح مع بعض نعرف طريقة تحضير صوابع زينب، والمكونات بتاعتها، لأنها سهلة جدا ومعانا هتطلع أحلى من المحلات.. تعالوا نعرفها مع بعض.

طريقة تحضير صوابع زينب:

المكونات:

2 كوب دقيق

1/2 كوب زيت

4 ملاعق كبيرة دقيق سميد

ملعقة صغيرة خميرة

ماء للعجن

مقادير الشربات:

2 كوب سكر

1 ونصف كوب ماء

نصف كوب عسل جلوكوز

طريقة التحضير.

في وعاء عميق، يتم إضافة كل المكونات مع بعضها والعجن باستخدام الماء الدافئ حتى نحصل على عجينة متماسكة غير طرية.

تُترك العجينة لمدة ربع ساعة حتى ترتاح.

بعدها نبدأ في تشكيل العجينة، وذلك باستخدام مبشرة أو مصفاة سلك ضيقة الفتحات.

بعد التشكيل، نبدأ في قلى الصوابع مباشرة، وذلك في زيت غزير وعلى نار متوسطة.

تخرج الصوابع سخنة وتسقى بالشربات البارد، وتترك به بعض الوقت لتتشرب الشربات جيدا.

لمعرفة طريقة تحضير الشربات اضغــــــط هنـــــــــــا

على فكرة الوصفة دى ناجحة جدا وطعمها أحلى من اللى بنشتريه من المحلات.. ولو عندكم استفسارات اضغطوا على الرابط ده ووجهوا استفسارتكم لصاحبة الوصفة، وبالهنا.