مفيش أجمل من الآيس كريم خصوصا فى حر الصيف الرهيب.. تخيل نفسك وأنت بتقطم حتة آيس كريم من ستيك بطعم الفانيليا أو الشيكولاته، تخيل وهى بتدوب بهدوء فى الفم.. وبتحقق لك انتعاش ميتوصفش.. ياااااه إحساس لا يُقاوم. طريقة تحضير الآيس كريم فى البيت، سهلة مش صعبة زى ما ناس كتير مُتخيلة، ولا محتاجة ماكينة آيس كريم، وده اللى هتعرفوه معانا من خلال طريقة تحضير أكواب الآيس كريم والجيلى، اللى بتقدمها لنا ولاء إبراهيم، وصفة خيالية فى جمالها، سهلة فى تنفيذها، ممتعة فى طعمها ورائعة جدا فى شكلها فى التقديم، تقدروا بكل سهولة تعملوها فى البيت، وتقدموها للضيوف فى سهرة صيفية فى يوم حار، تعالوا معانا نتعلم طريقة تحضير أكواب الآيس كريم والجيلى.

طريقة تحضير أكواب الآيس كريم والجيلى:

المكونات:

 ٢باكيت جيلي فراولة

٤علب زبادي

١/٨ بودرة كريم شانتيه

لون طعام

سكر حسب الحاجة

 ٢ كوب فراولة قطع

طريقة التحضير.

نحضر الجيلي كما موضح علي العبوة، وبعد التحضير، نصبه في الأكواب بشكل مائل ويمكن الاستعانة بكرتونه بيض للحفاظ علي وضع الميل. يترك الجيلى بالثلاجة حتي يتماسك.

نخفق بودرة الكريم شانتيه بالماء المثلج حتي نصل للقوام المتماسك، ونضعها علي جانب.

نبدأ بتحضير الآيس كريم بخفق الفاكهة، مع الزبادي والسكر حسب الرغبة، بالخلاط لحين التجانس التام والحصول علي قوام كريمي.

نخلط الكريم شانتيه مع الخليط السابق وكيس جيلي مذاب في فنجان ماء مثلج ونعيد خفق هذه المكونات معا،

نقوم بإضافة لون طعام حسب الرغبة، وللحصول علي ربط أقوي نثلج الخليط ونعيد خفقه ونعيد تجميده مره أخري.

طريقة التقديم:

نحضر أكواب الجيلي بالشكل المائل ونضع الآيس كريم باستخدام كيس الكريمة لإعطاء شكل جمالي مختلف عن المعتاد. يزين بحبات الكريسبي والشيكولاته.

دى كانت وصفتنا النهاردة عن طريقة تحضير أكواب الآيس كريم والجيلى، يا رب تكونوا استمتعتوا بيها، وبالهنا.