العالم كله بقى مجرد قرية صغيرة.. فعلا ده حصل بعد التطور التكنولوجى الرهيب في وسائل الاتصال والتواصل والإعلام.. كلنا بقينا من السهل علينا نطلع على ثقافات وأخبار الغير، بتكة واحدة في ثانية على زرار موبايل أو تابلت أو لاب توب، نقدر نوصل لكم هائل من المعلومات، ونغذى عقولنا بخبرات جديدة ومعرفة مختلفة. ومن بين الخبرات الجديدة والمعرفة المختلفة، نلاقى الطبخ اللى هو مسألة ضرورية في حياة كل إنسان، وشهوة واجب إشباعها كل يوم 3 مرات، وده بيخلينا في وسط الانفتاح المعرفى والمعلوماتى مع العالم، لازم نطور من مطبخنا، ونتعلم طرق جديدة ووصفات أكل من كل أنحاء العالم، عشان نوسع مداركنا، ونسعد نفسنا واللى حوالينا، لما نقدر نقدم لهم من كل بلد أكلة.

ومن الوصفات اللى دائما بيستخدمها الغرب في أكلهم، الصوص، تلاقى في كتير جدا من وصفات الأكل الغربى، بيتم وضع صوص أو أكتر على الأكلة، لأنها بترفع مستوى الطعم، وبتفتح الشهية كمان، ده غير شكلها المغرى والجذاب جدا للعين. انهارده اخترنا طريقة تحضير صوص المشروم عشان تبقى موضوعنا الجديد، وهو من الصوصات المشهورة جدا عندنا في الوطن العربى، واللى بيستخدم في أكلات كتيرة، زى ستيك اللحمة، ساندوتشات البرجر. طريقة تحضير صوص المشروم سهلة وسريعة، وليها أكتر من أسلوب في التحضير، احنا في مدونتنا بنحاول نختار باستمرار الطرق الأسهل وكمان الطرق الموفرة، عشان نحاول نحافظ على ميزانية البيت، وده مهم جدا في ظل الغلاء المستمر. بس زى ما اتعودنا في كل موضوعاتنا، لازم نقدم لكم مجموعة معلومات عن فوايد الوصفة، يعنى قبل ما نتكلم عن طريقة تحضير صوص المشروم، هنتعرف معاكم على معلومات عن قيمته الغذائية وفوايدها على أجسامنا.

فوائد فطر المشروم:

يعد المشروم "الفطر" أو ما يعرف بعش الغراب نوع من أنواع الفطريات "Fungi " ، وهو من أفضل المصادر للحصول على الكالسيوم وفيتامين د ، وفيتامين B2  ، ويمتاز الفطر بأنه خالي من الدهون والكولسترول، ومنخفض في السعرات الحرارية ، وغني بالألياف الغذائية ومضادات الأكسدة. ومن هنا تأتي فوائد الفطر العديدة .

مكافحة السرطانات وتقوية المناعة :أظهرت الدراسات الحديثة دور كبير وفعال للمشروم في الوقاية من سرطان البروستاتا وسرطان الثدي باحتوائه على بعض أنواع السكريات المتعددة والألياف التي وجد لها تأثيرات مضادة للسرطان ، مثل حمض اللينوليك Linoleic Acid  الذي وجد له دور في السيطرة على مستويات هرمون الاستروجن في الجسم. وباعتبار الفطر مصدر لمعدن السيلينيوم نجد له دور كبير في تعزيز المناعة والوقاية من الالتهابات، وتعزيز عمل الكبد في تنظيف الجسم من السموم ، ومكافحة نمو الخلايا السرطانية. خفض ضغط الدم: كل 100 جرام من المشروم الأبيض الطازج يحتوي على ما يقارب 318 ملجم بوتاسيوم ، وهذا يعني بأنه مصدر غني للبوتاسيوم المهم جدا في الحفاظ على اتزان السوائل في الجسم وضبط مستويات ضغط الدم .خفض كولسترول الدم :كما ذكرنا سابقا فالمشروم يعتبر غذاءً خاليًا من الدهون ومصدرًا للألياف والعديد من الفيتامينات والمعادن، ومن المعروف الدور الذي تلعبه الالياف الغذائية في تخفيض نسبة الكولسترول الضار  LDL ورفع مستوى الكولسترول الجيد HDL وبالتالي يكون له دور كبير في تعزيز صحة القلب والشرايين والوقاية من النوبات القلبية و  السكتات الدماغية.

طريقة تحضير صوص المشروم:

المكونات:

400  جم مشروم مقطع شرائح 

 1/2 كوب كريمة طهى لباني

 ملعقة طعام دقيق 

3  ملعقة طعام زبدة

1/4  لتر شوربة (حساء) دجاج أو لحم

بصلة مقطعة شرائح صغيرة

2 فص ثوم مفروم 

ملح، فلفل أسود

طريقة التحضير:

تُغسل حبات عش الغراب (الفطر) بالماء البارد وتجفف جيداً، ثم تُقطع إلى شرائح.

يُسخن الإناء أو " المقلاة" على نار متوسطة.

تُوضع ملعقة زبد بالإناء وتخفض درجة حرارة الإناء، ثم تضاف البصلة وتُقلب جيدا، حتى يصفر لونها.

تُوضع عليها شرائح الفطر وتُقلب لمدة 5 دقائق حتى يصير لونه بنيا غامقا، ثم يُضاف الثوم المفروم.

يتم تتبيل شرائح الفطر بوضع كمية قليلة جدا من الملح والفلفل.

تُضاف ملعقتين من الدقيق ويُقلب جيدا مع باقى المكونات.

لو عايز تشوف الطريقة فيديو اضغط هنـــــــــــا

يضاف المرق إلى المكونات ثم تُضاف كريمة الطهى.

تُقلب المكونات جيدا مع الكريمة والكريمة الجاهزة، ثم تترك حتى يصبح الخليط متجانسا وسميكا.

يرفع صوص المشروم من على النار، ويقدم مع شرائح اللحم، أو قطع البرجر، أو شرائح ستيك اللحم اللذيذة.

يا رب تكون الوصفة سهلة ولذيذة، ممكن جدا في طريقة تحضير صوص المشروم، نضيف ورشيستر صوص، حوالى معلقة صغيرة، وممكن كمان نضيف معلقة صغيرة من المستردة ونقلبهم مع المكونات السابقة، بتدى طعم حلو ومميز، وممكن نخلينا على الطريقة التقليدية، لأنها موفرة شوية ومكونتها مُتاحة للجميع، جربوا طريقة تحضير صوص المشروم بتاعتنا ولو عجبتكم شجعونا في التعليقات، وبالهنا.