بتعدى علينا أوقات كتير نفسنا بتتسد فيها عن الأكل، حتى لو كنا أكيلة جامدين، تلاقى الواحد فجأة زهقان ومش طايق يسمع سيرة الطبيخ، تلاقى النفس مقفولة ومش عايزة لا طبيخ ولا لحوم ولا غيره، بتحصل معاكم؟! احنا عندنا فى مصر جملة مشهورة لما النفس تتسد، تلاقى اللى ينصحك ويقولك: "كل حاجة حِرشَة"، يعنى حاجة مفيهاش خضار ولا لحوم، حاجة مليانة توم وبصل وخل وشطة، حاجة تكسر ملل المعدة وتخرج عن الوجبات اليومية المألوفة، وبالمرة ترحم الميزانية فى السكة.

أكتر الأوقات اللى المعدة بتحس فيها إنها محتاجة أكلة حِرشة ، الفترة اللى بعد صيام شهر رمضان المبارك، تلاقى الواحد نفسه دايما رايحة لأكلة جامدة مليانة ملح وشطة وحركات، عشان كده تلاقينا بنخرج من رمضان على العيد بأكلة شعبية تفتح نفسها تانى بعد شهر من التغذية التقيلة.

فى موسم عيد الفطر بتنتشر جدا فى المحلات بيع الأسماك المملحة، خصوصا الرنجة، وتلاقى فى المطاعم أكتر مطاعم شغالة وعليها ضرب نار، مطاعم الكشرى المصرى أبو عدس بجبة، بيبقى موسم هايل، والناس بتقف هناك على أبواب مطاعم الكشرى بالطوابير، فى انتظار لحظة الدخول والظروطة!

بس الحقيقة احنا مهم لينا نتعلم نعمل الكشرى فى البيت، ليه؟ لأننا هنا فى جوا الحلة هنتعلم سوا ازاى نعمله بروعة طعم المطاعم المتخصصة، ويزيد عليه تميز، إنه بايدينا ولينا احنا بس، يعنى معمول عشان يبسطنا ومطمنين لنضافته 100%. الكشرى حواره طويل شوية لأنه أكتر من مكون بيتقدم فى طبق واحد، والكشرى عايز جنبه حبشتكانات، دقة، وصلصة، وتقلية، وحمص،...... الخ

هنتعلم إزاى نعمل الكشرى بجبة هنا مع بعض ونطلع حاجة تحفة فى طعمها وشكلها، بس واحدة واحدة نتعرف على المكونات وطريقة التحضير ونبدأ فى الجد.. يلا بينا.

المكونات:

أولا مكونات الكشرى الأساسية:

1 كوب شعرية

ملعقة طعام زيت نباتى

ملعقة طعام زبدة  

  2 كوب أرز مصرى

3 ملاعق صغيرة ملح 

350 جم مكرونة صغيرة الحبة

1/2 ملعقة صغيرة ملح 

ربع كيلو عدس بجبة (أسمر)

ملعقة صغيرة كمون

1/2 ملعقة صغيرة ملح

ربع كيلو حمص

ثانيا: مكونات التقلية

2 حبة بصل أبيض كبير مُقطعة شرائح

ملعقة دقيق

ثالثا: مكونات الصلصة

5 فصوص ثوم مفروم

1/2 لتر عصير طماطم

250 جم معجون طماطم

2 ملعقة زيت نباتى 

ملعقة طعام خل

ملح، فلفل أسود، كمون، كزبرة ناشفة، جوزة الطيب، شطة حمراء خشنة

رابعا: مكونات الدقة: 

5 فصوم ثوم مفروم

2 ملعقة صغيرة كمون 

نصف ملعقة صغيرة شطة حمراء خشنة

2 ملعقة صغير ملح 

ملعقة صغيرة كزبرة ناشفة 

3 ملاعق كبيرة خل أبيض

ملعقة عصير ليمون

طريقة التحضير:

أولاً: الأرز بالشعرية

يُغسل الأرز جيدا بالماء الجارى، ثم يُصفى من الماء الزائد.

فى وعاء عميق، نضع ملعقة من الزيت النباتى مع الزبدة، ثم نُضيف الشعرية ونقلبها جيدا حتى تأخذ اللون الذهبى البنى.

تُضاف إلى الشعرية كمية الأرز المغسول، ونضع 3 أكواب من الماء الساخن إلى الأرز والشعرية، ثم نضيف 3 ملاعق شاى من الملح، ونُقلب المكونات، وبعد غليان الماء، نهدئ النار جدا، ونُغطى الوعاء، ونضع الشياطة أسفل الوعاء، ونترك الأرز بالشعرية حتى يصل لتمام التسوية، بعد حوالى ربع ساعة.

نتأكد من تسوية الأرز بتذوق جزء منه بطرف ملعقة.

ثانياً: المكرونة

فى وعاء عميق نضيف لتر من الماء، ونضيف للماء 1/2 ملعقة شاى من الملح، ويُراعى عدم إضافة أى نوع من الزيوت نهائيا للماء، لأن الزيت يصنع طبقة عازلة على كل حبة من المكرونة تمنعه من تشرب أى أنواع من الصلصة عليه بشكل جيد، ويُراعى كذلك التقليب المستمر للمكرونة داخل الماء حتى لا تلتصق ببعضها البعض، كما يُراعى تخفيض درجة الحرارة إلى هادئة بمجرد غليان الماء، ونتركها من من 10-15 دقيقة على النار بعد الغليان حتى تصل لدرجة التسوية المناسبة. 

تُستخرج المكرونة من الوعاء، وتُصفى من الماء الساخن، وتوضع تحت ماء صنبور جارى حتى نوقف عملية استمرار التسوية التى تحدث بواسطة الماء الساخن، ثم نتركها حتى تفقد كل الماء البارد الذى وضعناه عليها.

ثالثاً: العدس الأسمر.

يُغسل العدس جيدا بالماء، ثم يوضع فى وعاء عميق مع كمية مناسبة من الماء.

يوضع العدس على نار متوسطة، ثم يُضاف الكمون إلى العدس، ملعقة أو ملعقة ونصف شاى، ويترك العدس بعد غليان الماء على نار هادئة حتى تمام التسوية.

قبل رفع العدس من على النار، يُضاف له الملح، ويقلب جيدا حتى يتغلغل فى كل حبات العدس.

يرفع العدس من على النار، ويصفى من ماء التسوية، ويُراعى أن نحتفظ بجزء من ماء تسوية العدس، لنستخدمه فى عمل الصلصة الحمراء.

رابعاً: صلصة الكشرى

للحصول على 1/2 لتر عصير الطماطم، نحضر حبات الطماطم (حوالى كيلو)، ونغسلها جيدا، ونتركها لتجف، ثم نقطعها نصفين، وبملعقة طعام، نفرغ قلب الطماطم من العصير والبذور، ونجمعها كلها فى وعاء ثم نضربها جيدا فى الخلاط للحصول على العصير. أما جلد حبات الطماطم فنحتفظ به فى الثلاجة (البراد) لنستخدمها فى عمل سلطة فى وقت لاحق.

فى وعاء عميق، وعلى نار متوسطة، نضيف ملعقتان من الزيت النباتى وبعد تسخينه، نُضيف 5 فصوص من الثوم المفروم للزيت ونقلبه حتى يصفر قليلا، ثم نضيف عصير الطماطم والخل ومعجون الطماطم والملح والفلفل والشطة والكمون والكزبرة الناشفة، وجوزة الطيب، ونضيف حوالى نصف كوب من ماء العدس الذى احتفظنا به إلى المكونات لإعطاء طعم وسمك للصلصة.

تترك الصلصة على نار هادئة جدا حوالى 10- 15 دقيقة حتى تأخذ السمك المطلوب، ثم ترفع من على النار.

خامساً: الدقة

نخلط 5 فصوص من الثوم المفروم مع 2 ملعقة شاى كمون ونضيف ملعقة شاى من الشطة الحمراء الخشنة، و2 ملعقة شاى من الملح وملعقة شاى من الكزبرة الناشفة.

نُضيف 3 ملاعق طعام من الخل الأبيض إلى المكونات السابقة، ونضيف له ملعقة عصير ليمون والقليل من الماء، ثم نمزج المكونات جيدا، وتقدم فى زجاجة ضيقة الفتحة، ويُمكن أن تخلط جميع مكونات الدقة على النار فى طاسة بها ملعقة زيت لمدة 5 دقائق ثم تُرفع من على النار وتُقدم

سادساً: التقلية 

نقوم بتقطيع حبات البصل شرائح أو جوانح (Julienne) ثم نرش شرائح البصل بملعقة دقيق 

ونقوم بقلى البصل فى الزيت حتى يصل إلى اللون الذهبى. 

سابعاً: الحُمُص

يُنقع الحمص بعد غسله، فى ماء لمدة 12 ساعة حتى تنتفخ الحبات.

بعد 12 ساعة من النقع، نصفى الحمص من الماء ونغسله مرة أخرى.