ومتنساش السلطات... أشهر جملة بتتقال فى المطاعم المصرية، سواء لو قاعد بتطلب أكلك فى المكان، أو لو بتعمل طلب دليفيرى.. السلطة يعنى الحب الأبدى على ترابيزة السفرة، يعنى الوصفات اللى ملهاش نهاية، والطعم الوهمى الحكاية.. سلطة يعنى "كل كويس" أو "كل كتير"، مش هتفرق المهم تاكل ومتبطلش أكل.. سلطة للى ماشيين على نظام غذائى أو لا قدر الله مرضى السكر، وجبة بتملا المعدة وتقف فى وش الجوع.

سلطة الطحينة ليها مركز كبير فى السفرة المصرية، سلطة أصيلة بتليق على أغلب الوصفات، ومفيش غنى عنها خصوصا فى محلات المشاوى والأسماك، سلطة جوكر، تغمس بيها أى أكلة، وتتبسط، سلطة سهلة وسريعة فى التحضير، وممكن جدا تعتبرها مكمل لسنادوتش الفول والطعمية بتوعك، اللى من غيرها الساندوتش ميتبلعش..

هنشرح لكم بالتفصيل مكونات وطريقة تحضير سلطة الطحينة فى البيت وبطعم يجنن.

طريقة عمل سلطة الطحينة

المكونات:

4 ملاعق طعام طحينة خام

2 فصوص ثوم مفروم

عصير 2 ليمونة

1/4 ملعقة طعام خل أبيض 

بقدونس مفروم
زيت زيتون
ملح + فلفل أسود

ربع كوب ماء

طريقة التحضير

في طبق عميق، توضع الطحينة الخام، ويُضاف إليها عصير الليمون والقليل من الماء.

يتم تقليب المكونات مع بعصها جيدا بواسطة ملعقة كبيرة، حتى تمتزج الطحينة مع عصير الليمون والماء وتبدأ في أخذ سمك واضح.

يتم إضافة الملح والفلف الأسود والثوم المفروم ونستمر في عملية التقليب الجيد، وفى حالة عدم الحصول على السُمك المناسب نستمر في إضافة الماء شيئا فشيئا، مع الاستمرار في التقليب.

بعد الحصول على السُمك المناسب، نقوم بإضافة زيت الزيتون والبقدونس المفروم.