طريقة تحضير بقلاوة ملفوفة


هاتوا الفوانيس يا ولاد هاتوا الفوانيس.. هنزف عريس يا ولاد هنزف عريس.. هيكون فرحه 30 ليلة.. هنغنى ونعمل هُليلة.. وهنشبع من حلوياته.. أغنية المطرب والملحن العبقرى محمد فوزي.. وطبعا من عبقريته إنه اتكلم عن حلويات العريس.. اللى هو شهر رمضان الكريم.. فعلا من علاماته المميزة في الوطن العربى وخصوصا مصر.. الحلويات.. وأصنافها الشرقية الجميلة الأصيلة اللى بتعتبر عن هويتنا العربية وشخصيتنا في صناعة الحلويات المختلفة.. وبترجعنا لجذورنا كأشهر حلوانية.. وزى ما المثل بيقول: "اللى بنى مصر كان في الأصل حلوانى".. يا ترى تعرفوا مين هو الحلوانى ده؟!

البقلاوة كلمة تركية Baklava .. اتعرفت في الدولة العثمانية وانتشرت في كل الأقطار العربية وكل دولة حطت لمستها في طريقة الحشو.. واللى فضلت تتطور وتتطور لحد ما بقينا بنحشى البقلاوة في مصر بمكعبات شيكولاتة مفتتة وبسكويت أوريو ومش بنرحم.. لو حابين تعرفوا معلومات أكتر عن تاريخ البقلاوة ونشأتها افتحوا الرابط ده

 

وهنسيبكم مع الرابط ده تسمعوا أغنية الفنان محمد فوزى وانتوا بتقروا الوصفة

 

طريقة تحضير بقلاوة ملفوفة: 

المكونات:

لفة جلاش الزهار

كوب سمن بلدى ذائبة

ربع كيلو سودانى مفروم

ربع كيلو جوز هند

ربع مكسرات مشكل (فستق، بندق، عين جمل)

 

للشربات:

2 كوب سكر 

 نصف كوب ماء

عصير ليمونة + ملعقة صغيرة فانيليا

 

طريقة التحضير:

نقوم بفرد ورق الجلاش، وبواسطة فرشاة دهان للمطبخ، نقوم بدهان ورقة الجلاش بالسمن، ثم نقوم بفرد ورقة جلاش أخرى ونقوم بدهانها بالسمن، ثم نبدأ في فرد الحشوة، والتى تتكون من المكسرات المطحونة المختلفة مع جوز الهند.

بعد فرد المكسرات فوق الجلاش، نبدأ في لف أو برم الجلاش على شكل اسطوانة دائرية.

نبدأ في تحضير الصينية التى سنقوم برص الجلاش فيها، نختار صينية مناسبة، ونقوم بدهان أرضيتها بالسمن مع التأكد من دهانها بالكامل.

نبدأ في رص اسطوانات الجلاش المحشية فيها، حتى تمتلئ الصينية بالكامل، وبواسطة سكين مناسب، نقوم بتقطيع اسطوانات الجلاش بالطول المناسب لذوقنا الشخصى.

نقوم بدهان وجه الجلاش بالسمن، ثم نُدخل الصينية الفرن على درجة 180°م لمدة ربع ساعة أو حتى يحمر الجلاش من أسفل وأعلى.

نستخرج الصينية من الفرن، ونقوم بتسقية البقلاوة بالشربات البارد. 

 

 

ملحوظة:
بلاش نملى الجلاش اوى عشان واحنا بنبروموا ميتقطعش ويفك مننا، لأن ورقة الجلاش رقيقة أوى وممكن تحطوا طبقتين على بعض بس ندهن سمنه بينهم وكمان كده هتبقى الجلاشة اتخن.

لو عاوزين تشوفوا خطوات التحضير بالصور التفصيلية اضغطوا على الرابط ده

 

وإن شاء الله الوصفة تكون عجبتكم وتتشجعوا تعملوها في البيت، وبالهنا.