طريقة تحضير بلح الشام
اللى بنى مصر كان في الأصل حلوانى.. يا ترى تعرفوا مين هو الحلوانى ده؟! الحلوانى ده يبقى جوهر الصقلى، هو مؤسس مدينة القاهرة، ومؤسس الجامع الأزهر.. جوهر كان حلوانى شاطر جدا، وخصوصا في صناعة الكنافة، ودى كانت بدايته قبل ما يشتريه الخليفة المنصور بالله ويلحقه بالجيش، ويبدأ يلمع نجمه كقائد كبير، وصاحب إنجازات وفتوحات عظيمة.
لو تحبوا تتعرفوا أكتر على شخصية بانى القاهرة جوهر الصقلى افتحوا الرابط ده
بلح الشام حلوى سورية المنشأ، وطبعا من اسمها عرفنا إن الشام موطنها الأصلى، لما السوريين عملوا الحلوى دى، شكلوها على شكل يشبه البلح، ومن وقتها واسمها بقى حلويات بلح الشام، وطبعا أحلى شئ بيميزها إنها مقرمشة جدا من بره، وطرية جدا من قلبها، بس مش كل الناس بتعرف تظبط الحكاية دى، معانا بقى في جوا الحلة هنقولكم على التكات اللى في المكونات تخليكم تعرفوا طريقة تحضير بلح الشام على أصولها ولا أجدع حلوانى.
طريقة تحضير بلح الشام":
المكونات:
كُوب ماء
كُوب دقيق
ربع كُوب زيت
معلقه صغيرة سكر
معلقتين صغيرة نشا
رشة ملح
٢ بيضة
فانيليا
للشربات:
2 كوب سكر
كوب إلا ربع ماء
عصير نصف ليمونة
ملعقة صغيرة فانيليا
طريقة التحضير:
في وعاء عميق مُناسب، وعلي نار متوسطة نضع الماء والزيت حتى يصل لدرجة الغليان وملعقة صغيرة سكر ورشة ملح.
نترك المكونات حتى تصل لدرجة الغليان.
ننزل بكوب دقيق مضاف إليه ملعقتين صغيرتين نشا، ونقلب بسرعة إلى أن يختفى الدقيق وسط باقى المكونات.
نرفع المكونات من على النار ونتركها تبرد قليلا.
نضع بيضة على المكونات ونقلب جيدا إلى أن تختفي البيضة وسط المكونات، بعدها نُضيف البيضة الثانية والفانيليا ونقلب جيدا.
نبدأ في وضع العجين في أقماع التشكيل أو كيس الحلوانى ، "مع بِلبِلة التشكيل" ، وفى وعاء به زيت بارد وعلى نار هادئة نبدأ في إنزال العجين، وذلك بالضغط على القُمع وباستخدام مقص نقطع حسب الطول الذى نرغب به.
نرفع حرارة النار قليلا حتى نحصل على القرمشة المطلوبة واللون الذهبى الجميل.
نستخرج بلح الشام ونضعه في وعاء به شربات بارد ثقيل.
لمعرفة طريقة تحضير الشربات اضـــــــــــــــــــــــــغط هنـــــــــــــــــــا
نرفع بلح الشام من العسل، ونضعه في مصفاه واسعة الفتحات حتى نتخلص من الشربات الزائد.
ملحوظات مُهمة:
قبل ما نعمل الوش التاني نخلي الزيت يبرد شويهً .
عشان ننجز في الوقت كنت مجهز بولا فيها مية واحط الطاسه فوقها عشان يخلي الزيت يبرد اسرع وبعد كدا نقطع فيه تاني ...وهكذا
يا رب تكون الوصفة سهلة وهايلة، تقدروا تضغطوا على الرابط ده لو عاويزن توجهوا أسئلة لصاحب الوصفة
وإن شاء الله الوصفة تكون عجبتكم وتتشجعوا تعملوها في البيت، وبالهنا.