طريقة عمل بيتزا عشاق الجبنة


حد سأل نفسه ولو لمرة واحدة ليه البيتزا اتسمت بالاسم ده؟! المؤرخون سطروا عدد كبير من الروايات عن تسمية البيتزا بالاسم ده.. بيتزا.. من أشهر الروايات اللي رواها المؤرخون عن تسمية البيتزا، رواية بتقول إن كان في واحد من العلماء بيحب زوجته جدا، وكان زوجته اسمها "بيتزا" من كتر حب العالم ده في زوجة "بيتزا" فكر في مرة إنه يعمل لها مفاجأة، عبارة عن إنه يجمع لها كل الحاجات اللي بتحبها في الأكل في وجبة واحدة، وهي كانت بتحب الطماطم والفلفل الأخضر الرومي، والجبنة والزيتون، فجمع لها كل المكونات دي في وجبة واحدة وسماها باسمها ومن يومها العالم كله بيقول "بيتزا" على وصفة العجين اللي عليها جبنة ومجموعة من الخضراوات والزيتون! وفي روايات تانية عن تسمية البيتزا، لكن المهم دلوقتي إني أعرف منكم انتوا بتحبوا البيتزا بطعم إيه؟! أيا كان النوع اللي بتحبوه، فاحنا هنعمل معاكم بيتزا عشاق الجبنة، تخيلوا نفسكم كده والجبنة الموتزاريلا بتمط قدام عيونكم، وطعم الصلصة الحمرا دايب معاها، ده غير بقى لو كان في إضافات تانية من أنواع جبن من اللي بتحبوها.. يم يم شهي للغاية زي ما بيقول حمزة ابن أختي أميرة!

طريقة عمل بيتزا عشاق الجبنة سهلة، ولما تتعلموها هتعملوها باستمرار في البيت، وبطريقتنا هتنجح معاكم دائما إن شاء الله.. أنا بحب إن طريقة عمل بيتزا عشاق الجبنة يكون فيها أكتر من نوع من أنواع الأجبان، وأنواع الأجبان المفضلة بالنسبة لي هي الموتزاريلا والجبنة الرومي، والجبنة البارميزان، بيعملوا خليط رهيب في الفم بيبقى صعب إن الواحد ينساه.. تعالوا نعمل سوا بيتزا عشاق الجبنة!

طريقة عمل بيتزا عشاق الجبنة:

(وقت التحضير: نصف ساعة – وقت الطهي: 20 دقيقة)

المكونات: (تكفى لعمل صينية بيتزا كبيرة)

للعجينة:

2 كوب دقيق

ملعقة صغيرة ملح

ملعقة كبيرة سكر

2 ملعقة كبيرة زيت زيتون

ملعقة كبيرة خميرة فورية

نصف كوب ماء دافئ "لغرض العجن"

للحشوة:

200 جرام جبنة موتزاريلا مبشورة

50 جرام جبنة رومي مبشورة

50 جرام جبنة بارميزان مبشورة (أو شيدر حسب الرغبة)

لصوص البيتزا:

2 ملعقة كبيرة معجون طماطم

ملعقة صغيرة بودرة بصل

1/4  ملعقة صغيرة ثوم بودرة

1/4  ملعقة صغيرة زعتر جاف

1/4  ملعقة صغيرة ريحان جاف

1/4 كوب ماء صنبور

رشة ملح

طريقة التحضير:

يتم تحضير عجينة البيتزا، ففى وعاء عميق نقوم بوضع جميع مكونات العجين سويا، ثم نُضيف إليها الماء الدافئ تدريجيا، وبواسطة راحة اليدين نقوم بخلط جميع المكونات مع بعضها البعض حتى يُصبح العجين متماسكا فى شكل كتلة واحدة، ويُراعى أيضا ألا يلتصق العجين باليد.

نقوم بتغطية الوعاء المُحتوى على العجين بفوطة نظيفة جافة، ونتركه فى مكان دافئ لمدة ساعة ليختمر العجين ويتضاعف في الحجم.

بعد مرور ساعة، نعمل على فرد العجينة وتشكيلها، وذلك برش كمية مناسبة من الدقيق (الطحين) على مائدة مسطحة مناسبة، أو على رخامة مُناسبة، ثم نضع العجين فوق الدقيق ونبدأ فى فرده بواسطة النشابة بحيث تُصبح العجينة مفرودة تماما، ويُصبح مسطحها  مساوٍ لمُسطح الصينية التى سنضعه فيها، من كل الجهات.

بعد فرد العجينة، نقوم بدهان قاع الصينية بزيت الزيتون، ويُراعى أن يتم كذلك دهان الجوانب، ثم نقوم بفرد العجينة على الصينية مع تخريم العجينة، في كافة الاتجاهات، بواسطة شوكة طعام. بعد ذلك نبدأ فى تحضير صلصة البيتزا، أو صوص البيتزا.

فى مقلاة ساخنة نضع معجون الطماطم، ثم نُضيف إليه الماء، ونتركه قليلا حتى يسخن ويُصبح سميكا، بعدها نقوم بإضافة التوابل المذكورة فى المكونات، ونُقلب الصوص جيدا بواسطة ملعقة خشبية، ثم نتركه على النار فترة 3-5 دقائق لتتجانس المكونات مع بعضها ونحصل على صوص سميك ومناسب، ثم يُرفع الصوص من على النار ويترك جانبا ليبرد.

بعد أن يبرُد الصوص الأحمر، نقوم بفرده فوق العجينة حتى يُغطى مساحتها بالكامل، بعدها نبدأ فى وضع الحشوة وتوزيعها بشكل مناسب فوق العجينة، حيث نقوم بوضع الجبنة الرومي على سطح العجين بالكامل، ثم نضع الجبنة البارميزان، وأخيرا نضع طبقة ثالثة من الجبنة الموتزاريلا.

بعد الانتهاء من وضع طبقات الجبن على العجينة، نقوم بإدخالها فى الفرن.

فى درجة حرارة 200°م، نُدخل الصينية للفرن لفترة حوالى من 20-25 دقيقة حسب قوة الفرن وتوزيع الحرارة به، ويُفضل أن نكون قد قُمنا بتسخين الفرن فترة ربع ساعة قبل وضع الصينية به.

نُخرج الصينية من الفرن ونقوم بتزيينها بالقليل أوراق الريحان الطازجة.

 

شاهد أيضا: 

طريقة عمل بيتزا ستافت كراست

طريقة عمل مينى بيتزا ببواقى العيش الفينو

طريقة عمل بيتزا صحية