طريقة تحضير جُلاش بالمكسرات
الجلاش مين يقدر يقاوم جماله؟! سواء حادق أو حلو، صينية الجلاش من الوصفات اللى عليها إقبال كبير من الكبار والصغار، في الوطن العربى، ولما نقول الجلاش الحلو، يبقى الوصفة الروعة اللى ميتشبعش منها خالص، واللى بتتاكل وتخلص بمجرد ما يتم تقديمها. طريقة تحضير صينية جُلاش بالمكسرات من وصفات الحلويات الشرقية السهلة جدا في التحضير واللى بتتميز كمان بإنها مش مُكلفة، هتقولوا لى لأ مكلفة لأن أسعار المسكرات بقت غالية نار، بس المكسرات مش لازم تبقى فستق ولوز وبندق، ممكن تبقى خليط من السودانى المجروش وجوز الهند ونقول الحمد لله، أما لفة الجلاش ففعلا سعرها في متناول الجميع.
الجلاش رقيق جدا وبيحتاج معاملة فيها حرص شوية، ده كمان غير إنه ممكن ينشف مننا بسرعة أثناء تحضيره، فضرورى نغطيه بفوطة مطبخ نضيفة أثناء تحضير جُلاش بالمكسرات، عشان لو نشف مننا أثناء التحضير هيتكسر والوصفة هتبوظ.
طريقة تحضير جُلاش بالمكسرات:
المكونات:
لفة جلاش "الزهار أو أمريكانا"
كوب سمن بلدى ذائبة
ربع كيلو سودانى مفروم
ربع كيلو جوز هند
ربع مكسرات مشكل (فستق، بندق، عين جمل)
للشربات:
2 كوب سكر
نصف كوب ماء
عصير ليمونة + ملعقة صغيرة فانيليا
طريقة التحضير:
في صينية مناسبة، نقوم بدهان قاعها بالسمن بحيث يُغطى السمن أرضيتها بالكامل، وكذلك جوانبها.
نقوم بفرد ورق الجلاش في أرضية الصينية، وبواسطة فرشاة دهان للمطبخ، نقوم بدهان ورقة الجلاش بالسمن، ثم نقوم بفرد ورقة جلاش أخرى ونقوم بدهانها بالسمن، ونستمر هكذا حتى نضع نصف أوراق لفة الجلاش طبقة أولى في الصينية.
ثم نبدأ في فرد الحشوة، والتى تتكون من المكسرات المطحونة المختلفة مع جوز الهند.
بعد فرد المكسرات فوق الجلاش، نبدأ في رص الطبقة العلوية من الجلاش، بنفس الطريقة التى قمنا بها مع الطبقة الأولى.
نقوم بدهان الطبقة الأخيرة من ورق الجلاش بالسمن الذائب للحصول على اللون الذهبى الجميل بعد التسوية في الفرن.
نُدخل الصينية الفرن على درجة 180°م لمدة ربع ساعة أو حتى يحمر الجلاش من أسفل وأعلى.
نستخرج الصينية من الفرن، ونقوم بتسقية الجلاش بالشربات البارد.
لمعرفة طريقة تحضير الشربات اضــــــــــــــــــــــغط هنــــــــــــــــــــــــــا
ملحوظة:
لو عندكم أى سؤال بخصوص الوصفة، اضغطوا على الرابط ده، ووجهوا السؤال لصاحبة الوصفة، وبالهنا.